كلمات اغاني الشايقية - منتديات النيل الازرق السودانية
لوحة تحكم العضو التوجه إلى رئيسية المنتدى
للتسجيل في المنتدى تسجيل الخروج من المنتدى
.:: إعلانات النيل الازرق ::.


العودة   منتديات النيل الازرق السودانية > اقسام الاغاني والفيديو > منتدى كلمات الاغاني

منتدى كلمات الاغاني يختص بجميع كلمات الاغاني السودانية والعربية والغربية

الإهداءات

إنشاء موضوع جديد  إضافة رد
 
أدوات الموضوع انواع عرض الموضوع

الصورة الرمزية وصلاوى


رقم العضوية : 361
الإنتساب : Jun 2007
المشاركات : 2,599
بمعدل : 1.00 يوميا
النقاط : 10
المستوى : وصلاوى علي طريق الابداع

وصلاوى غير متصل

 عرض البوم صور وصلاوى عرض مجموعات وصلاوى

 



  مشاركة رقم : 1  
المنتدى : منتدى كلمات الاغاني
افتراضي كلمات اغاني الشايقية
قديم بتاريخ : 18-01-2008 الساعة : 01:49 PM

أم الحسن

وقفت بعد حلبت لبينة الشاي تكورك يا الحسن
يا ام الحسن وينو الحسن
ولمن صفت رغوة شخيبات اللبن في حلتا المبنية من طبق السكن
واقفي في حوش البهايم ولسع تكورك يا الحسن
جاها حسا من بعيد مارق من القاطوع ورا
قال ليها خير يا الحاجه خير
قالتلو خير تعال لي جاي دايراك تعنون لي جواب يا الراسي لي ولدي الخدير
لا تبقي زي شافع السرير يقول لي زين آيمة زين وزين تبقي بعد شهير
وان جاني يكتب فد سطير
اقولو يا سجم السجم انا زي قرايتك ما قريت لكن عويناتي بيفرزن الوريقة البيضاء من لون القلم
بعد المغيرب بي شوي جاها الحسن تعبان يسير
دا العشى غنمو من الدرب وسرقت ندي وشو الهجير
سوتلو شايا بي لبن قرض معاهو حرف فطير
قالتلو بسم الله قول واكتب وصيتي انا للخدير
الزمن يا ولدي ماحقاهو السنين
البعيش في الدنيا ما بعيش مرتين
العمير فاضل لي بس منو اليقين
وانت طول(ت) في البنادر يا الحبيب لا متين
تعال اوريك حق ابوك الجم حقيق حاج اللمين
ان عرفتو بلا عمار يقولو ولدا عندو طين
العلاج لا تنسي رسلو لي دحين
العوينات يا جناي شوفن ضنين
سلامنا ليك مطرز للبنيات والبنين
ولو الارض يا ولدي تنشال في الايدين انا كت برسلا ليك
في لوري الخزين
.


توقيع

أخى منتظر كل الكلمات لن تفيك القدر بارك الله فيك وفى عروبتك وشجاعتك
تستطيع أن ترى الصورة بحجمها الطبيعي بعد الضغط عليها



الصورة الرمزية وصلاوى


رقم العضوية : 361
الإنتساب : Jun 2007
المشاركات : 2,599
بمعدل : 1.00 يوميا
النقاط : 10
المستوى : وصلاوى علي طريق الابداع

وصلاوى غير متصل

 عرض البوم صور وصلاوى عرض مجموعات وصلاوى

 



  مشاركة رقم : 2  
كاتب الموضوع : وصلاوى المنتدى : منتدى كلمات الاغاني
افتراضي
قديم بتاريخ : 18-01-2008 الساعة : 01:50 PM

معزور


معذور لو قلبي اشتهاك ما إنت عارف

فرقتك ما بيحملا القلب الهواك

ده مناه يوم ما نفترق يا ريتو كان يفضل معاك

لو بي مرادو يقوم يجيك تلقاه بين ايديك حداك

متمني يلحق بيك سريع نتلاقي والاشواق هناك

جاييك هارب من سنين جاييك واقع في حواك

غلبو النواح يوم فرقتك بالدهشة خانس إتعبر

ما بين نوازع الروح إليك هايم وبين حكم القدر

ما اتزعزع الإيمان جواه ولكنو في الآخر بشر

قايل عليك شدة وتزول ما قايلك إنت علي سفر

ما كان هو فاهم يومو داك ايه ضحكت البرق اللصف

ولا كان هو شايف للهموم الجايه واقفات ليهو صف

ولا كان هو حاسس بالغرام الباني في الغيم اتنسف

لقي نفسو فجأة بلا وجيع مفجوع ومفقوع بالأسف

يا ريتو كان وقف الزمان قبال تروح صدّ ورجع

ما كان غشانا الحزن يوم لا فرقه بيناتنا بتقع

كان لا رثيتك لا بكيت لا قلبي فيك يوم إتفجع

وما كان قدر ذكراك صبح يومها التزور مره ورجع


توقيع

أخى منتظر كل الكلمات لن تفيك القدر بارك الله فيك وفى عروبتك وشجاعتك
تستطيع أن ترى الصورة بحجمها الطبيعي بعد الضغط عليها



الصورة الرمزية وصلاوى


رقم العضوية : 361
الإنتساب : Jun 2007
المشاركات : 2,599
بمعدل : 1.00 يوميا
النقاط : 10
المستوى : وصلاوى علي طريق الابداع

وصلاوى غير متصل

 عرض البوم صور وصلاوى عرض مجموعات وصلاوى

 



  مشاركة رقم : 3  
كاتب الموضوع : وصلاوى المنتدى : منتدى كلمات الاغاني
افتراضي
قديم بتاريخ : 18-01-2008 الساعة : 01:52 PM

مابتخيل



أنا ما بتخيَّل إنو تروحي وتسكني بين طيات الذكرى

وشايلة معاك في روحِك روحي

ما بتخيَّل أصبح باكر وألقاك مافي قُصاد عينيا

وكيف إتحمل فقد الدنيا الفيها أحلامي إترسمت ليّا

عُمرُو ما كان البعد مسافة وإلا الطيف كا ملَّ الجيَّه

وما بتتخيلي هزت قلبي لحظة طيفكِ ماشي عليًّا

ما بتخَّيل وين راح أمشي لمن ترحلي مني تروحي

كيفن يصبح ذكرى البينّا وسيل أشواقنا ولحظة بوحي

ما حأسيبكِ ترحلي وأبقى بين نيران أحزاني ونوحي

ولو لا حت لنا فرقة بقوللها لأ يا فرقة أرجوك لا تلوحي

أنا ما بتخيَّل إيه راح أبقى لما أعيش في الدنيا بِدونِك

وكان خليتكِ وين راح ألقى الكت بلقاهو يشع في عيونِك

أبقي معايا مودّة ورحمة يا الفي قلبي هواك وسكونِك

كوني في عوني أنا بي تحنانك شان بي شوقي أكون في عونِك

ولما الشوق كان جابك ليّا ما خيّبتَ أشواقِك فِيّا

وإتشربت إحساسك شهقة دون ما أحس بك إنتي هدية

ما صدقتِ أنا إني لقيتك أم وحبيبة وروح وأُخية

هم الفُرقة أنا كاتلني كيفن عاد بي هم الجيّة

ما بتخيّل ما بتخيّل


توقيع

أخى منتظر كل الكلمات لن تفيك القدر بارك الله فيك وفى عروبتك وشجاعتك
تستطيع أن ترى الصورة بحجمها الطبيعي بعد الضغط عليها



الصورة الرمزية وصلاوى


رقم العضوية : 361
الإنتساب : Jun 2007
المشاركات : 2,599
بمعدل : 1.00 يوميا
النقاط : 10
المستوى : وصلاوى علي طريق الابداع

وصلاوى غير متصل

 عرض البوم صور وصلاوى عرض مجموعات وصلاوى

 



  مشاركة رقم : 4  
كاتب الموضوع : وصلاوى المنتدى : منتدى كلمات الاغاني
افتراضي
قديم بتاريخ : 18-01-2008 الساعة : 01:53 PM

فراق قلبين



بعد اتفرقو القلبين واتيتم غرام وحنين

زمن كان الدريب واحد .. حلينا بقينا فى دربين

قبيل كشح الوصال ماروق وراالشيل التقيل وقع

غدرما شهد المسيوق ولا الفطن التراب لسع

يا حليلك يا زمان الشوق ويا اروع حلم ودع

حرام ما الريده بين سنين ومن دابناالصغار شفع

وكت اتصفح الايام .. بخصم قلبى لا يدمع

واقولو اصلو الزمان دوار والراح تانى وين يرجع

رحل ما خلى غير تزكار مكتوب بى السواد صفحة

ضميرك خدروهو الناس بعد فوت الاوان يصحى

وانت حاتل فى بطون الصى يجيك محل الندم نفحه

تقبل وين يتاورك ماضى مهما خنتوا ما بتمحى

حليلنا بقينا فى دربين وخلينا الحنين مذهول

احتار كيف يدارى البين ونمرق من مصير مجهول

لكن يا حنين الحاجى فى دابنا الدريب بيطول

ولا تضهب وحاتك البينا .. نحن البينا مات مقتول

خلاص اصبحنا فى دربين ويقن حادى الدريب يوم فات

بعد ضاق المراير كيف يتلمو اللي صارو شتات

سعادتك لو تمن للفرقه .. بدفع عمرى لى الشمات

وليك اتمارى وين ما تبقى ياظالم حقيق ما مات


توقيع

أخى منتظر كل الكلمات لن تفيك القدر بارك الله فيك وفى عروبتك وشجاعتك
تستطيع أن ترى الصورة بحجمها الطبيعي بعد الضغط عليها



الصورة الرمزية وصلاوى


رقم العضوية : 361
الإنتساب : Jun 2007
المشاركات : 2,599
بمعدل : 1.00 يوميا
النقاط : 10
المستوى : وصلاوى علي طريق الابداع

وصلاوى غير متصل

 عرض البوم صور وصلاوى عرض مجموعات وصلاوى

 



  مشاركة رقم : 5  
كاتب الموضوع : وصلاوى المنتدى : منتدى كلمات الاغاني
افتراضي
قديم بتاريخ : 18-01-2008 الساعة : 01:54 PM

بشوفك في عيون عيني


بشوفك في عيون عيني وفي جرح القليب الني

في جور الأحبة معاي وفي شمت الأعادي علي

لاني وكت سفكته الليل علي مزبح هواي ضحك

والفرح المناي حاحيتو دودرتوا وابالي يرك

لقيت ماساتي تبكي معاي وتضحك في عيون اهلك

تركتة احلامي للايام طلقته حبالة من ايدي

وقع شقي الشمال كورك لقيت شقي اليمين مشلول

انا تركته الروح قبل ما تروح وقع مني القليب مشلول

وقعدتة اغني ما حديت رغم انو المصير مجهول

بكيت لامن وجع حتي عرفت انو الطعني اخي

شرب ريق الشجن شجني ومحقني علي العي الخوف

وبقيت من الزوال جفال خليك من اشوف لي طيوف

دة انا البلفطرة قلبي عطوف من الشفتو يا ست ريدي

ما شفعت عهودك لي

نجومك كان رماها سماها ما اختارت براها ترك

دهر اشعاعا برق الخوف بقالا وحيح غناي تابوت

راجي نجاته من النجي يونس لم بلعوا الحوت

سنين الامتحان قضاها حتي نهاروا من غير ضي

شيلني عليك وقوم يا موج محل ما ترسي راضي اكون

ولا تهتمة بالمقسوم سمح حكم الله مهما يكون

ضجة في عيونك كلمة كانت في قلب للنون

غناها الزمن للدنيا لكن ما غشت اضني


توقيع

أخى منتظر كل الكلمات لن تفيك القدر بارك الله فيك وفى عروبتك وشجاعتك
تستطيع أن ترى الصورة بحجمها الطبيعي بعد الضغط عليها



الصورة الرمزية وصلاوى


رقم العضوية : 361
الإنتساب : Jun 2007
المشاركات : 2,599
بمعدل : 1.00 يوميا
النقاط : 10
المستوى : وصلاوى علي طريق الابداع

وصلاوى غير متصل

 عرض البوم صور وصلاوى عرض مجموعات وصلاوى

 



  مشاركة رقم : 6  
كاتب الموضوع : وصلاوى المنتدى : منتدى كلمات الاغاني
افتراضي
قديم بتاريخ : 18-01-2008 الساعة : 01:55 PM

حزارك

حزارك من تجيب لي اعزارقليبك ما براهو اختار

بس باسف علي الايام وماضي العشري يا غدار

لانك يا حقيقتي المرة كنتي حجاي مع السمار

لانك في غناي مقطوعة خالدة ترددة الاوتار

لاني انا ان بقيت في الجنة غيرك ما بضوق لي سمار

لاني انا من عرفتك تبتة يشهد كاتب الاوزار

قبل ما اعرف المكتوب فرشتلك الطريق ازهار

ورسمتك بي مداد احساسي لوحة جميلة في الاشعار

امن بي غرامك وحدو حاسب نفسي في الابرار

وتب لا خنت لا ارتديت كيف يصبح جزاي النار

انا المابيني بين الدنيا من ما قمت مكتوب نار

متعود تقيلتي اشيلة قبلك كم عصفني عصار

وقلبي الكان زمان موهوم وضايع بين سجون واسوار

خلاص حلحل قيودو معاك حضر تابين غرامو وطار

زي ما كت بعز عينيكي برضي كمان كتوم اسرار

الا هواكي مهما يبقي تاني انا ما بكون لي مدار

قادر احيا راهب ريدة امست في الخيال تزكار

والا بقولك يا مغرور وراك عجل الزمن دوار


توقيع

أخى منتظر كل الكلمات لن تفيك القدر بارك الله فيك وفى عروبتك وشجاعتك
تستطيع أن ترى الصورة بحجمها الطبيعي بعد الضغط عليها



الصورة الرمزية وصلاوى


رقم العضوية : 361
الإنتساب : Jun 2007
المشاركات : 2,599
بمعدل : 1.00 يوميا
النقاط : 10
المستوى : وصلاوى علي طريق الابداع

وصلاوى غير متصل

 عرض البوم صور وصلاوى عرض مجموعات وصلاوى

 



  مشاركة رقم : 7  
كاتب الموضوع : وصلاوى المنتدى : منتدى كلمات الاغاني
افتراضي
قديم بتاريخ : 18-01-2008 الساعة : 01:56 PM

كذبة ابريل


لا بعدي من عينك جفي لا كت وعودك بخلفة

كان ظني يا ست الجمال يجمعني يفرقنا الوفة

غراكي اني جريت وراك وفوق دربك اعدته الحفة

غنيتة خلدتك خلود وقصص الغرام السالفة

شان انتي من دون الحسان اختارك القلب اصطفة

واخر جزاهو وقع صريع بس حقو منك ما عفة

ماني البراي صريع هواك كم زي مطعون ما شفة

اعدته امال الهموم تهدم قصورة وتنسفة

انا زول مجرح من زمان دنياي داجي مصيفة

معتاد علي النوح والبكي وفيض الدموع الزارفة

سايقاني ليه وانا زول كسيح قصت جناحي العاصفة

خليتي قلبي قريب يصل ولا الجنان الوارفة

سبتيني في نص الدرب ليه قلتيلي ازنك آسفة

لا قادر اتقدم براي لا قادر ارجع بالقفة

عمر المحبة البينا كان لحظاتو مرت خاتفة

اتمني دنياكي الامان يبراها ديمة يحالفة

بقدر وحاتك في السنين اتناسة ايام الصفة

واكبر خيول اشواقي ليك اكبح جماحة واخالفة

مظلوم من الزمن العلي احكاموا جايري ومجحفة

انا في غنواي الريد شموع وانا في حكاويهم رفة

انا عنتر المات والشجن دم عبلة لكن ما دفة

انا ريدة في اعماق ملاز الا القدر ما انصفة

صح ماني قدرك وريدي ليك في حد زاتو مجازفة

اقطع احساسي وادوم كل المشاعر المرهفة

انا زول نبيل ما برضي يوم تجرح كرامتي العاصفة

بدفع ثمن مبداي دموع مهما عيوني يكلفة

يا كذبة ابريل الخلاص لحظاتو مرت خاتفة

يا نسمة بهوي شزاها موت يسكرني لم اتكرفة

يا درة عزبني الزمن لمن لقيتة مزيفة

انا تاني ما اصبح مناي دانيات سمارك اقطفة

خليه تطويها الرياح وردة غرامنا الناشفة

واحزر تحاول يوم تعود بالماضي روحي تحلفة

خليني للوحدة الزمان من بدري اصلي موالفة

خليني فيها اعيش عزاب الزكري لا يوم الوفة


توقيع

أخى منتظر كل الكلمات لن تفيك القدر بارك الله فيك وفى عروبتك وشجاعتك
تستطيع أن ترى الصورة بحجمها الطبيعي بعد الضغط عليها



الصورة الرمزية وصلاوى


رقم العضوية : 361
الإنتساب : Jun 2007
المشاركات : 2,599
بمعدل : 1.00 يوميا
النقاط : 10
المستوى : وصلاوى علي طريق الابداع

وصلاوى غير متصل

 عرض البوم صور وصلاوى عرض مجموعات وصلاوى

 



  مشاركة رقم : 8  
كاتب الموضوع : وصلاوى المنتدى : منتدى كلمات الاغاني
افتراضي
قديم بتاريخ : 18-01-2008 الساعة : 01:57 PM

عابرة (في حضرة عيونك)



لحظة في حضرة عيونـك وحاجبة المرسوم هـلال

ياها آخر أمنياتـــــي في حياتي ولا تـــزال

ذكرياتك يا أمانـــــي باقي رغم الماضـي زال

باقي نبراس الأغانـــي لما ليل الفرقة طـــال

لسة بتذكر وصالــــك آهة ما أحلي الوصــال

الزمان ياعابرة شالـــك من دنايا بلا قتــــال

سابني ماقادر أقــــارن بين حقايقك والخيـــال

قلبي في قلب المدايـــن وإيدي في إيد الشمــال

عابرة يا عطش القوافــي لما شديت الرحــــال

لي ديارك وإنتي جافــي شاردة زي بحر الغـزال

عابرة ياظبية فيافــــي سارحة بينات الجبــال

فرصة لي لقياها مافــي مافي حتي ولا احتمــال

يسألوني عن القصائـــد وإنتي في دنياي ســؤال

في الضحي المنشور قصائدوالغد المأمول محـــال

عابرة ديناصور غرامـك عابرة تظهر من خـلال

إعترافاتي وكلامــــي ماضي كان موجود وزال

عابرة من دون الرسائــل ليه رسالاتك قــــلال

حالتي من يوم جيت قايـل تبقي بيناتنا اتصــــال

كم زرعنا الريد دوالــي أزهرت أغصانو شــال

عتقت خمر الليالــــي بينا عند اللقيا مــــال

واللي كان ياعابرة وينــو ما الزمن ماعندو حـــال

مرة يسقـيك بي إيدينــو ومرة يديك بالنعـــال

عابرة مشتاق لي عيونـك وحاجبة المرسوم هـلال

عابرة كل الدنيا دونــك تافهة والأيام تقــــال


توقيع

أخى منتظر كل الكلمات لن تفيك القدر بارك الله فيك وفى عروبتك وشجاعتك
تستطيع أن ترى الصورة بحجمها الطبيعي بعد الضغط عليها



الصورة الرمزية وصلاوى


رقم العضوية : 361
الإنتساب : Jun 2007
المشاركات : 2,599
بمعدل : 1.00 يوميا
النقاط : 10
المستوى : وصلاوى علي طريق الابداع

وصلاوى غير متصل

 عرض البوم صور وصلاوى عرض مجموعات وصلاوى

 



  مشاركة رقم : 9  
كاتب الموضوع : وصلاوى المنتدى : منتدى كلمات الاغاني
افتراضي
قديم بتاريخ : 18-01-2008 الساعة : 01:59 PM

خاطرك الغالي


يا غالي يامسافر ناوي الرحيل باكر

شان خاطرك الغالي اديتك الخاطر

اديتك الخاطر رغم الحيبق علي الانتظار الحارجمر الفراق الحي

اسف الرحيل والشوق سودي و دمو عيني

اديتك الخاطر وانا باقي بين نارين نار الهوى وذكراك نار البعاد والبين

حرماني من شوفتك اضناني شوق وحنين مهما تطول غيبتك برجاك سنين وسنين

بوصيك يا راقي يامرهف الاحساس بي طبعك الرايق ونهيجك الوناس

سلم علي الحبان فرح قلوب الناس ابطر شوارع الحي بهجه وشذى وايناس

في مقرن النيلين والجلسة يوم تحلى بين زهره نعسانه والشاطى والنخله

لما النسيم طربان ينساب على الخسلة زي موكب العرسان في ليلة الدخلة

اطراني يا محبوب خليني في بالك لاقيني واحكيلي في الغيبة اخبارك

انشد غناوي الريد غرد بموالك لو في المنام والطيف رسلي مرسالك

درب السلامي معاك في الفوتة والعودة يبقة الفراق المر ايامو معدودة

لو الله رايدلي والفرحة موعودة باكر تعود وتعود الروح لمريوده

شان خاطرك الغالي اديتك الخاطر


توقيع

أخى منتظر كل الكلمات لن تفيك القدر بارك الله فيك وفى عروبتك وشجاعتك
تستطيع أن ترى الصورة بحجمها الطبيعي بعد الضغط عليها



الصورة الرمزية وصلاوى


رقم العضوية : 361
الإنتساب : Jun 2007
المشاركات : 2,599
بمعدل : 1.00 يوميا
النقاط : 10
المستوى : وصلاوى علي طريق الابداع

وصلاوى غير متصل

 عرض البوم صور وصلاوى عرض مجموعات وصلاوى

 



  مشاركة رقم : 10  
كاتب الموضوع : وصلاوى المنتدى : منتدى كلمات الاغاني
افتراضي
قديم بتاريخ : 18-01-2008 الساعة : 02:01 PM

الحنين وداني
محمد جبارة

الحنين وداني جيت بالساقي سادر
قلتا انشد ناسا عن زولى المسافر
الحفير شوف عيني يبكي معايا دافر
دموعو قرود جارى لي بيتكم مجاور
قال لي ما بنتا طول ماك ظاهر
دار اجيكم قتلو لو كان لا قي خاطر
كان الايام حنان بالحيل نواضر
الله يلعن حظي شوم يا اخوانى عاسر
لى محل اللقيا سقتا خطايا ازاور
استعيد الماضى واتعللبو صابر
احضن الاغصان واهيم في وهمي سادر
واحبي تحت المنقه للأحزان مصابر
مالى من خلاني مابيكتب يخابر
بس لعلو المانعو خير وكتر بشاير
ناس فلان قالو لى طرايك ديمه ذاكر
بي غرامك قلبو ديمه ملان وعامر
لابس الاخلاص حرير وهلال وسامر
قلدوهو افراحو اكليل من ازاهر
اه تقاليد ريفنا يا الابو ما بتشاور
نحن سر مساتنا بتنا قولا قاصر
ارضي بي محبوبتي مهما كان بفاخر
انا زولتي خلقت من زول فنان وشاعر
من جراحى ونوحي والاذى والدرادر
انا من جحيمي الفيهو مرمي كأني كافر
من ضياء القمره البشق الليل يدافر
اه انا من حسيس طمبور يرن في روعه ناقر.


توقيع

أخى منتظر كل الكلمات لن تفيك القدر بارك الله فيك وفى عروبتك وشجاعتك
تستطيع أن ترى الصورة بحجمها الطبيعي بعد الضغط عليها


إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة


المواضيع المتشابهه
الموضوع كاتب الموضوع المنتدى مشاركات آخر مشاركة
اغاني أبو عركى البخيت اغاني سودانية كلمات اغنية بوعدك يا ذاتي طاهر محمد عبد المطلب منتدى كلمات الاغاني 1 17-02-2012 10:36 PM
كلمات اغانى إبراهيم عوض وصلاوى منتدى كلمات الاغاني 18 24-01-2009 01:50 PM
كلمات اغاني الحقيبة akrarm منتدى كلمات الاغاني 3 25-07-2008 12:40 AM
كلمات اغانى الأمي وصلاوى منتدى كلمات الاغاني 8 17-01-2008 02:22 PM
كلمات اغانى سيد خليفه وصلاوى منتدى كلمات الاغاني 27 17-01-2008 12:22 PM


Loading...


Powered by vBulletin® , Copyright ©2000 - 2014, Jelsoft Enterprises Ltd. TranZ By Almuhajir
Tynt Script Added by Leicester Forum
Protected by CBACK.de CrackerTracker

Security team