.:: إعلانات النيل الازرق ::.


 
 
العودة   منتديات النيل الازرق السودانية > اقسام الاغاني والفيديو > منتدى كلمات الاغاني
التسجيل YouTube التعليمـــات التقويم اجعل كافة الأقسام مقروءة
أهلا وسهلا بك إلى منتديات النيل الازرق السودانية.
أهلا وسهلا بك زائرنا الكريم، إذا كانت هذه زيارتك الأولى للمنتدى، فيرجى التكرم بزيارة صفحة التعليمـــات، بالضغط هنا. كما يشرفنا أن تقوم بالتسجيل بالضغط هنا إذا رغبت بالمشاركة في المنتدى، أما إذا رغبت بقراءة المواضيع والإطلاع فتفضل بزيارة القسم الذي ترغب أدناه.

 
 

الملاحظات

منتدى كلمات الاغاني يختص بجميع كلمات الاغاني السودانية والعربية والغربية

الإهداءات

إضافة رد
 
أدوات الموضوع انواع عرض الموضوع
قديم 17-01-2008, 12:25 PM   #1
 

 
الصورة الرمزية وصلاوى
 



وصلاوى غير متصل
 
افتراضي كلمات أغاني حنان النيل

أبقى واصل

لـيـــــــنـا واصــــل يـا حـنـيــــــن وابـقـى واصل
الــدرب قـــدامــك أخـضـــر والوداد البينا واصل
والعيون الفى انتظارك شوقها زي مطر الفواصل

ما فى اروع من رسائل تحكي بي تحنان فصولا
ما فى أجـمــل مــن مـقـاطع انت بالأشواق تقولا
البـلــد مـنـتـظــره جـيـتـك فارده غاباتها وسهولا
والكـلـيــمــات الـتـطـمــن نحن منتظرين وصولا

بـيــن حـكــايـاتى السعيدة قصة من أشواق فريدة
جايـه لا لـون لا ملامـح زى نجوم طاشه وبعيدة
لا هى غـنـيـة ولاها منية ولاها إحساسات جديدة
ما الـبـحـسـو مـع عـيونك حاجة اكبر من قصيدة

كلـمـة مـنـك لـو تـعــاتـب أغـلى من كل الغناوى
والـبـتهمسو بين سطورك عندي بى كل الحكاوى
الـحروف الفى انتظارك رافله فى الزى السماوى
عـارفه إنـو الـغـنـيـة غـيـرك يا حنين ما بتساوى

















التوقيع

أخى منتظر كل الكلمات لن تفيك القدر بارك الله فيك وفى عروبتك وشجاعتك
تستطيع أن ترى الصورة بحجمها الطبيعي بعد الضغط عليها
عرض البوم صور وصلاوى   رد مع اقتباس
قديم 17-01-2008, 12:26 PM   #2
 

 
الصورة الرمزية وصلاوى
 



وصلاوى غير متصل
 
افتراضي


الخرطــــوم بدونك


الخرطوم بدونِك!!
ضهباني ..
وتفتِّش لى واحات عيونِك
تاهَت في الهجاير
باهِت لون جبينا
تتلفَّت تعايِن
مالي الشوق عيونا
تتعشَّم ، تصادفِك نظراتا الحزينة
تصغر بين زحاما
وتصبح ما مدينة
يكسي الليل بيوتا
وتتوشّح ظلاما
يحكى الحال سكوتا
ويتبعثر كلاما
فقدت يوم رحيلك طعم الابتسامة
النيل .. فوق خدودا .. دمعة بكت عليكي
قبلِ يحين فراقِك
ملتاع مشتهيكي
لو يقدر .. يغيِّر مجراهو ويجيكي
طافت بين ضفافا
كايساكي المراكب
وقمريّات تنادت للعُش في المغارب
والعُش.. يا حِليلِنْ .. عَصَفَتْبُو الهبايب
أرصفة الأماني .. طال فيها انتظارا
ساعت اللقيا عدّت .. وفات ميعاد قطارا
هزَّتْ راسا
بِلْعَتْ غمَّها وانكسارا
فاقداكي المآذن ..
واجراس الكنايس
لماّت المآتم .. وزفّات العرايس
السُّمرة الأصيلة .. وايَّاما العوابس
هجرات الغمايم
واطفال المدارس
تسألني الشوارع
عنَّك وعن مكانِك
جلسات الفتارى المنتظرين أوانِك
همهمة الحيارى .. والباكين عشانِك
الناس يسألوني
واسأل غيري عنِّك
سبب الفُرقة نحنَ .. ولاَّ الجفوة منِّك
وليه الغيبة طالت؟؟
ليه يا المِشْتَهِنِّكْ ؟؟

















التوقيع

أخى منتظر كل الكلمات لن تفيك القدر بارك الله فيك وفى عروبتك وشجاعتك
تستطيع أن ترى الصورة بحجمها الطبيعي بعد الضغط عليها
عرض البوم صور وصلاوى   رد مع اقتباس
قديم 17-01-2008, 12:27 PM   #3
 

 
الصورة الرمزية وصلاوى
 



وصلاوى غير متصل
 
افتراضي

انا السودان


انا السودان جمال اشراق وعيديه
انا السودان بضي شمسو النهاريه
انا النيل الصحي بوافي بغني مع المراكبيــــه
انا عيون المها الضوت تحاكي الطلعه ورديه
انا السودان جمال في لوحه صوفيـــــــــــــــه
روائع دنيا للاطفال بيعيشوا نشئه دينيــــــــه
اغاني الفرحه لي وطننا تزف في ليله قمريه
انا السودان علوم وحضــــــــــــــــــــــــــــاره
صحوت غضبه ذنجيـــــــــــــــــــــــــــــــــــه
بيجري في دمي حس عربـــــــــــــــــــــــــي
ونفوس بالتقوي مهديـــــــــــــــــــــــــــــــــــه

















التوقيع

أخى منتظر كل الكلمات لن تفيك القدر بارك الله فيك وفى عروبتك وشجاعتك
تستطيع أن ترى الصورة بحجمها الطبيعي بعد الضغط عليها
عرض البوم صور وصلاوى   رد مع اقتباس
قديم 17-01-2008, 12:27 PM   #4
 

 
الصورة الرمزية وصلاوى
 



وصلاوى غير متصل
 
افتراضي

لو أعيش



لو اعيش زول ليهو قيمة اسعد الناس بوجودي

زي نضارة غصن طيب كل يوم يخضر عودي

ابقي دار لكل لاجئ او حنان جوه الملاجئ

ابقي للاطفال حكاية حلوة ضمن الاحاجي

بيها يتهنو وينمو واحرسهم طول ليلي ساجي

والقي في راحة نفوسهم بسمتي وطول ابتهاجي

لو اعيش طول عمري نسمة لو مع الايام سحابه

اهطل ادي الدنيا بسمة اوري وادي واسقي غابة

لو اعلم طفل واعد لسه ماعرف الكتابة

ببقى شجرة ظلالها ورافة تحتي نايمين ناس تعابة

اشقي والقي وابقي بهجة في النفوس لكل مناضل

ابقي لمعتل علاج وابقي للفلاح سنابل

ابقي للثوار سلاح اعتي من قذف القنابل

وابقي للكداح الملوح كل حد موفور وعادل

















التوقيع

أخى منتظر كل الكلمات لن تفيك القدر بارك الله فيك وفى عروبتك وشجاعتك
تستطيع أن ترى الصورة بحجمها الطبيعي بعد الضغط عليها
عرض البوم صور وصلاوى   رد مع اقتباس
قديم 17-01-2008, 12:28 PM   #5
 

 
الصورة الرمزية وصلاوى
 



وصلاوى غير متصل
 
افتراضي


طريق الامل


ليه نندم على الماضى وزمانا الراح

وليه نشكى من الالم فى كل صباح

مادام حاضرنا فيه طريق ملان افراح

طريق مفتوح طريق زاهر بنور وطنى

محل ما اروح الاقى النور مصادفنى

انسى الفات وكل الكان مؤلمنى

والقى حبيب جمال رؤياهو يسعدنى

تعال ياحبيب تعال وابعد عن الاوهام

وماتفكر فى يوم تحتار مدى الايام

مادام الدنيا فيها النور وزايدة سلام

وكل الكون ربيع اخضر امل بسام

















التوقيع

أخى منتظر كل الكلمات لن تفيك القدر بارك الله فيك وفى عروبتك وشجاعتك
تستطيع أن ترى الصورة بحجمها الطبيعي بعد الضغط عليها
عرض البوم صور وصلاوى   رد مع اقتباس
قديم 17-01-2008, 12:29 PM   #6
 

 
الصورة الرمزية وصلاوى
 



وصلاوى غير متصل
 
افتراضي


الجمال والحب في بلادي
والحضارة إزدهارها وإنتشارها
في المدارس والنوادي
العلوم العالية والفنون الراقية
جمالها بادي
ينبي عن أثار قوة الأفكار
والأيادي
الأنجزت أعمال وخلدت تذكار
في جبين الوادي
سوداننا العاجبنا رسمه
في نفوسنا مقداره يسمو
الطيور غنت بي أسمه
وكم صايح ينادي
أسمك يابلادي
هتقت به الجنود
وغنتبو الشوادي
في بلادنا مناظر الطبيعة
حافيها السحر الحلال
في الشرق المينا العظيمة
بيها الثغر بسم الدلال
والغرب حرست مداخله
الهيبة حصون التلال
وجنوبها ينافس الشمال
حيوية وعظمة وجلال
في بلادنا القرى والمدائن
أثر النعمة عليها باين
وتاني محل العين تعاين
تشوف بهجة وروح وإعتدال
في منظر جذاب ودادي
أحي السودان وأرضه
والأرض الطاهرة النقية
أحي السودان وأهله
أهل العبقرية
أهني السودان بشعبه
طوح النفس الأبية
الوافي راعي المحارم
أكرم من الغيث مكارم
وأصلب من الحده صارم
إن في الحرب وإن مسالم
يمتاز بالروح القوية

















التوقيع

أخى منتظر كل الكلمات لن تفيك القدر بارك الله فيك وفى عروبتك وشجاعتك
تستطيع أن ترى الصورة بحجمها الطبيعي بعد الضغط عليها
عرض البوم صور وصلاوى   رد مع اقتباس
قديم 17-01-2008, 12:30 PM   #7
 

 
الصورة الرمزية وصلاوى
 



وصلاوى غير متصل
 
افتراضي

بلاد النور



يا بلاد النور يا راس الخير
لابد يوم باكر يبقى أخير
الدمعة تفارق الوجدان
ودموع الغبش الصابرة تسيل

صبرك لو طال ما باقى كثير يابلادى
وجعتنا البيك تبقالنا نفير يا بلادى
من ذاتك ناجذ الوفاء ونشيل
من ذاتك ناجذ الوفاء
والشمس هدفنا وماها بعيد
يابلاد النور يا راس الخير
لابد يوم باكر يبقى أخير

رقصة نخلاتك والغابات الغابات
والنيل أتفجر والغيمات
روح التاريخ هبت نسمات
صدق الإحساس فى كل وليد
عشم الفنان صدق الإنسان وسنابل الخير
لابد يوم باكر يبقى أخير

















التوقيع

أخى منتظر كل الكلمات لن تفيك القدر بارك الله فيك وفى عروبتك وشجاعتك
تستطيع أن ترى الصورة بحجمها الطبيعي بعد الضغط عليها
عرض البوم صور وصلاوى   رد مع اقتباس
قديم 17-01-2008, 12:30 PM   #8
 

 
الصورة الرمزية وصلاوى
 



وصلاوى غير متصل
 
افتراضي

كلو بمضى
كلمات د.. على شبيكه
الحان.. السنى الضوى

كلو بمضى وكلو بى الايام بروح
لا سعيد دامت ليهو فرحة ولا حزين دام ليهو نوح
لاهية بينا الدنيا لاعبة فيها نتغرب نتوه
القلوب بالشوق تحرق والجروح تشفى الجروح
كلو بمضى ومهما تقسى مصيرى انسى
انت ماشفت الصباح كيف بطل زى احلى همسة
يضوى بنورو الروابى ويضيف فى كل حسنى لمسه
وتنطلق ارواحنا فيه بى شراع ماليهو مرسى
وننسى او نتناسى انو كلو صباح لابد يمسى
كلو بمضى وكل ايامنا الخوالى
وكل ليلة بكرة تمضى
زى فصول دنيانا فى موسم رحيلها
والسنين واحلامنا والعشره النبيلة
تبقى ذكرى وفى صحارى الفرقة واحتنا الظليله
برضى ماضى ابتعادى وريدى زادى
ورحلة الاشواق

















التوقيع

أخى منتظر كل الكلمات لن تفيك القدر بارك الله فيك وفى عروبتك وشجاعتك
تستطيع أن ترى الصورة بحجمها الطبيعي بعد الضغط عليها
عرض البوم صور وصلاوى   رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

 
 
تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
 
 
الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
الفرح المهـــــــــاجر حنان النيل alrhal YouTube النيل الازرق 11 03-04-2012 02:45 AM
الفنانة, الرائعة ,حنان, النيل فائزة منتدى كلمات الاغاني 11 26-11-2011 01:50 PM
يا قمارى - حنان النيل اسامه مدني منتدى الاغاني السودانية 0 20-11-2010 12:08 AM
فلق الصباح -حنان النيل وصلاوى منتدى الاغاني السودانية 2 04-01-2008 11:46 AM


Loading...


Powered by vBulletin® , Copyright ©2000 - 2014, Jelsoft Enterprises Ltd. TranZ By Almuhajir
Tynt Script Added by Leicester Forum
Protected by CBACK.de CrackerTracker

Security team