ضل العجايز

يا أخوانا وييييييييييين عجايز المنتدى.. أنا دايرهم كلهم يجونى هنا، وعلى شرط يكونوا من من تعامل مع التالى:

1. ركب البرينسه.
2. أدوهو فرينى للمدرسة.
3. حشو ليهو (طاره) للفطور.
4. لعب أم الحفر أو فلفلت أو كمبلت.
5. لبس الرداء الأخدر فى الثانوى العام ومعاهو القميص الأبيض.
6. قرى مريم الشجاعة فى كتاب المطالعة حق الابتدائى
7.قرى خلوة فى الإجازة.
8. إستعمل النفاج فى مناداة أخوانه.
9. صلى فى التبروكه.
10. أكل اللبا حق الغنماية.

أها ما سألتونى لييييييييه:

عشان نعمل لينا معجم بى زى المفردات السودانية الفوق دى لانو أكيد هنالك كتير من أخوانا وأخواتنا وبالذات ناس بره ما عارفينها زى ما قال أخونا فضيلىفى أحد بوستاته عن أن بعضهم لا يعرف الويكة والقراصة ولا الكسرة ما بعرفو .. المهم حاجة ذى دى.


يلا عجايز ما تتضايروا وتعاينو لى بعض.

أنا راجيييييييييييييييييييييييييييييييكم هنا .. يلا

وحابدأ ليكم المعجم ..

1. العنقريب: زى السرير .. بس مصنوع من الخشب .. وينسج بالحبال الليفيه حتى تتماسك أطرافو الخشبية ويفرش اللحاف فيه.
2. الربيت: يصنع من الدهن الخالص (أمعاء الذبيحه)ويتم غمسه فى الزيت الدافئ لفترة وجيزة ويؤكل عادة كنوع من أنواع التسالى ،أى ليس وجبه كامله.
3. ا لنفاج: فتحة باب تكون مابين بيت الرجال وبيت النسوان.
4. التبروقه أو التبروكه: تصنع من جلد البهيمة وذلك بعد معالجته بالغرض وبعض المواد الأخرى كالملح .. تستعمل لأداء الصلاة.. يعنى مصلاية.

وانا معاك منتظرة

(0وانا معاك منتظرة )

يا سيما
وين مشاركتك؟؟

جيبى أى مصطلح إنشاء الله (المشلعيب) ولو غلبك أسألى عمك فضيلى .. البخرات ما ممنوعة هنا


شكراً مليئاً بمزيد من الدفئ..

لك التحية

قبل فترة كنت في رحلة في مزرعة وقاعد قريب ساعة
بفتش في كدندار ما لقيت ولا واحد
يا ربي يكون مشى وين؟؟؟؟

اقتباس : المشاركة الأصلية كتبت بواسطة أمير القوافي [ مشاهدة المشاركة ]

قبل فترة كنت في رحلة في مزرعة وقاعد قريب ساعة بفتش في كدندار ما لقيت ولا واحد يا ربي يكون مشى وين؟؟؟؟

الاخ مساء الخير
بدور على الحمراء الكبيرة ولا الخضرة الصغيرة
الخال

اقتباس : المشاركة الأصلية كتبت بواسطة أمير القوافي [ مشاهدة المشاركة ]

قبل فترة كنت في رحلة في مزرعة وقاعد قريب ساعة بفتش في كدندار ما لقيت ولا واحد يا ربي يكون مشى وين؟؟؟؟

اهلاً بيك يا غالى اول الرواكيب حضوراً.

اقتباس : المشاركة الأصلية كتبت بواسطة الخال [ مشاهدة المشاركة ]

الاخ مساء الخير بدور على الحمراء الكبيرة ولا الخضرة الصغيرة الخال

الخال شكلك انت زاتك رايحة ليك كدندارة!!!!!!

السلام عليكم ورحمة الله وبركاته

الناس المكركبة هنا يغطينا الله

غايتو من قبيل بفتش لى فى حبل دباره كدى مالقيتو عايز اربط لى شوال بتاع ميلوته كدى بنزلا السوق ههههههههههههه

حبل الدباره خيط وغاليا مايكون من القطن او الخيشة العادية ..

الميلوته نبات مررر شديد ومفيد لبعض الامراض ...

هوى ماتقولو عجوز بسمع ساااى بس ههههههههههههههه

معاني الكلمات لو سمحتو

موضوع رائع
يلا نستفيد في معرفة الكلمات الصعبة
بس الكدندارة دي يعني شنوو ورونا ياجماعة