كلمات اغنيات للوطن للفنان محمد وردي - منتديات النيل الازرق السودانية
  التسجيل YouTube   التعليمـــات   [فواصل نيلية]   اجعل كافة الأقسام مقروءة
.:: إعلانات النيل الازرق ::.



منتدى كلمات الاغاني يختص بجميع كلمات الاغاني السودانية والعربية والغربية

الإهداءات

إضافة رد
 
أدوات الموضوع انواع عرض الموضوع
قديم 01-01-2009, 08:04 PM   #1
جمـيل الأخــلاق



الصورة الرمزية ميدو
ميدو غير متصل

بيانات اضافيه [ + ]
 رقم العضوية : 199
 تاريخ التسجيل :  May 2007
 أخر زيارة : 25-01-2014 (09:07 PM)
 المشاركات : 489 [ + ]
 التقييم :  5318
 معدل التقييم : ميدو فخر النيل الازرقميدو فخر النيل الازرقميدو فخر النيل الازرقميدو فخر النيل الازرقميدو فخر النيل الازرقميدو فخر النيل الازرقميدو فخر النيل الازرقميدو فخر النيل الازرقميدو فخر النيل الازرقميدو فخر النيل الازرقميدو فخر النيل الازرق
لوني المفضل : Cadetblue
Icu12 كلمات اغنيات للوطن للفنان محمد وردي



اهلا بيكم جميعا يا احلى ناس وكل سنة وانتو طيبين جميعا ونقدم ليكم بعض كلمات للوطن تغنى بها الفنان القدير محمد وردي...

يا شعبا لهبت ثوريتك
محجوب شريف


على اجنحة الفجر ترفرف
فوق أعلامك
ومن بينات اكمامك
تطلع شمس أعراسك

يا شعباً لهبك ثوريتك
إنت تلقى مرادك والفى نيتك
وعمق احساسك بى حريتك
يبقى ملامح فى ذريتك

ماكَ هوين سهل قيادك
سّيد نفسك مين أسيادك؟
ديل أولادك
وديل أمجادك
ونيلك هيلك جري قدامك
تحت اقدامك
رجع صداك وسجع نحاسك
وانت نسيج الفدا هندامك
وانت نشيد الصبح كلامك
وعطر أنفاسك

أرفع صوتك هيبه وجبره
خلى نشيدك علي النبره
خلى جراح أولادك تبرا
كبروا مكان الضحكه العبره
إلاّ يقينهم فيك اتماسك
يا الإصرارك
سطراً سطراً مَلا كراسك



أصبح الصبح
محمد الفيتوري


أصبح الصبح
ولا السجن ولا السجان باقي
واذا الفجر جناحان يرفان عليك
واذا الحزن الذي كحل تلك المآقي
والذي شد وثاقا لوثاق
والذي بعثرنا في كل وادي
فرحة نابعة من كل قلب يابلادي

أصبح الصبح
وها نحن مع النو التقينا
التقى جيل البطولات
بجيل التضحيات
التقى كل شهيد
قهر الظلم ومات
بشهيد لم يزل يبذر في الأرض
بذور الذكريات
أبدا ما هنت يا سوداننا يوما علينا
بالذي اصبح شمسا في يدينا
وغناء عاطرا تعدو به الريح
فتختال الهوينى
من كل قلب يا بلادي
فرحة نابعة من كل قلب يابلادي


بلا وانجلى
محجوب شريف


بلا وانجلى حمد الله الف على السلامه
انهّ كتف المقصله والسجن
ترباسو انخلعتحت انفجار الزلزله
والشعب بى أسرو اندلع
حرر مساجينو اندلع
قرّر ختام المهزله
يا شارعاً سوّا البدع
اذهلت أسماع الملا
كالبحر دواى الجلجه
فتحت شبابيكا المدن
للشمسِ واتشابا الخلا
شفت البنادق فى السما
الظبط والربط انتمى
للشعب شعب الملحمه
الصرخه كانت همهمه
والهبه كانت ململه
سداً منيعاً يا وطن
يا شعب وهّاج الفطن
للظلم يوماً ما ركع
مهما جرى
تباً لعهد السمسره
والنهب ثمّ السمسره
سداً منيعاً يا وطن
صه يا طنين البلبله
أبدا ً لحكم الفرد..لا
بالدم لحكم الفرد..لا
تحيا الديمقراطيه
كم نفديك يا مستقبلا
بلا وانجلى
حمد الله الف علي السلامه
انهدّ كتف المقصله


سلم مفاتيح البلد
محمد المكى ابراهيم


عليك الزحف متقدم
وليك الشعب متحزم ومتلملم
يقول سلم
سلم ومابتسلم
رحمت متين عشان ترحم؟
سلم مفاتيح البلد
سلم عباياتنا وملافحنا
مصاحفنا ومسابحنا
جوامعنا وكنايسنا
سلم مفاتيح البلد
تراث أجدادنا سلمنا
عقول أولادنا سلمنا
بنادقنا البتضربنا
الموجهة لي صدورنا
وبرضو حقتنا
سلمنا
سلم مفاتيح البلد
سلمنا الزمان الضاع
ليل الغربة والأوجاع
أحزانا العشناها
مع الوطن العزيز الجاع
سلم مفاتيح البلد
حتهرب وين من الألم الكبير والجوع
من تعليمك المدفوع
ومن شعبا سقاك لبنو سقيتو من الهوان والجوع
يا ساقي سمك المنبوع
سلم مفاتيح البلد
حتهرب وين من الذكرى وعذاباتها
ومن لبن الأمومة ومن حساب الرب
حتهرب وين وانت ايدينك الإتنين ملوثة دم
فصيح الدم ينضم وبتكلم يقول سلم
سلم مفاتيح البلد


بلد رايح
عمر الطيب الدوش


حأسأل عن بلد رايح وافتش عن بلد سايح
واسأل عن امانينا اللي ما بتدينا صوت صايح
وأسأل وين مخابينا إذا جانا الزمن ..لا فح
واسأل عن بلد مجروح وعارف الجارحو ليه جارح
وابكى على بلد ممدوح وعارف المادحو ما مادح
واحلم بي حلم مسروق لا هو الليلة لا امبارح
أعلق في جناح سفري خطابات لي زمن فجري
وادخل من درب سري لكل مضاجع الأحزان
واضفِّر من شجر بلدي بروقاً مارقة من صدري
حأسأل عن بلد غاطٍ لحدِّ الليلهْ في الوجعة
أَنط فوق سرجي واتْحزَّم أقوم من وقعة لي وقعة
أخُتْ ايدي البتوجِعْني على السأم البراجِعْني
واسأل .. يا وطن يا بيتنا
ليه شوقك مواجهني ليه حبك مجهجهني
وليه تاريخ زمن خسران
موكّر لسَّه في شجني؟
حأكتب لي شجر مقطوع مسادير يمكن يتحرك
خطابات لي طفل مجدوع يقوم يجرى يقع يبرُك
رساله لكل قُمْريّة
إذا دم الشقا اتوزع على كل البيوت ما تْرِك
واسأل .. عن وطن رايِح واديكم خبر جارح
بأنو جميع جموع الناس حيفضلوا لا كراع لا راس
ونشترى في الدكاكين يوم مسابح من دموع الناس
مساحيق من هموم الناس زهج يتْعَبّا في الأكياس
ونعلن في المزاد علنا وترغي الجوقة والأجراس
"!نبيع الطفلة والكراس"
واصرَخ ! ياوطن! يا بيتنا ليه ما تبقى لينا الساس
قدر ما تجري فيك أفكار يزيدوا الحبس والحراس
قدر ما تجري فيك الخيل تدوس الهيبة والإحساس
واسأل يا وطن رايح
اذا كل القبور دخلت بيوت الناس
بلا اسئذان بلا صلوات بلا أكفان
جريمة اسائل الدفَان؟
جريمة طلب تمن قبري
من البايع في أي مكان؟
واقولك يا وطن رايح واقولك يا وطن آمر
سلام النفس ما كافر ولا كافر ولا كافر


يا شعبا تسامي
محجوب شريف


يا شعبا تسامي ياهذا الهمام
تفج الدنيا ياما وتطلع من زحاما
زي بدر التمام
تدي النخله طولها والغابات طبولها
والايام فصولها والبذره الغمام
قدرك عالي قدرك ياسامي المقام
ياملهم رماحك سناهاالصدام
ام در والطوابي في صدرك وسام
ملامح كم تسامح تغضب لا تلام
همه وعبقريه
ذمه وفنجريه
ضد العنصريه
وتحلم السلام

فداك وفي حواك يامدد الكلام عفوك
انت ورضاك وبرنا ليك تام
وبحلم بهواك بي حسن الختام
دينك كم علينا منك والدينا
واجمل مالدينا
من يوم السمايه
من قبل الفطام

منك كل حته في الخاطر صبابه
جنبك نبته نبته نكبر نحن ياما
نسألك انت
وانت ورينا الاجابه
علمنا الرمايه
والحجا والقرايه
والمشي بي مهابه
في الضحي والظلام


أكتوبر الأخضر
محمد المكي ابراهيم


اسمك الظافر ينمو في ضمير الشعب ايمانا وبشرا
وعلى الغابة والصحراء يلتف وشاحا
وبأيدينا توهجت ضياء وسلاحا
فتسلحنا بأكتوبر لن نرجع شبرا
سندق الصخر ..
حتى يخرج الصخر لنا زرعا وخضرا
ونرود المجد..
حتى يحفظ الدهر لنا إسما وذكرا
بسمك الأخضر يا أكتوبر الأرض تغني
الحقول اشتعلت قمحا ووعدا وتمني
والكنوز انفتحت في باطن الأرض تنادي
بسمك الشعب انتصر ..
حائط السجن انكسر..
والقيود انسدلت جدلة عرس في الأيادي
كان أكتوبر في أمتنا منذ الأزل
كان خلف الصبر والأحزان أحيا..
صامدا منتظرا حتى إذا الصبح أطل
أشعل التاريخ نارا واشتعل
كان أكتوبر في نفضتنا الأولى
مع المك النمر
كان أسياف العشر
ومع الماظ البطل
وبجنب القرشي
حين دعاه القرشي حتى انتصر
بسمك الأخضر يا أكتوبر الأرض تغني
الحقول اشتعلت قمحا ووعدا وتمني
والكنوز انفتحت في باطن الأرض تنادي
بسمك الشعب انتصر ..
حائط السجن انكسر..
والقيود انسدلت جدلة عرس في الأيادي


وطنا
محجوب شريف


وطنا البإسمك كتبنا ورطنا .. أحبك
أحبك مكانك صميم الفؤاد وباسمك اغنى
تغنى السواقى خيوط الطواقى
سلام التلاقى ودموع الفراق
واحبك ملاذ وناسك عزاز
أحبك حقيقه وأحبك مجاز
وأحبك بتضحكوأحبك عبوس
بعزة جبالك ترك الشموس
وما بين ظلالك افتش وأكوس
أفتش طفولتى وملامح صباى
بناتك عيونن صفاهن سماى
وهيبة رجالك بتسند قفاى
أحبك بتضحك واحبك عبوس
صحى بتملا عينى وتشّرف غناى
بحضرة جلالك يطيب الجلوس
مهذب أمامك يكون الكلام
لأنك محنك عميق الدروس
مجيد المهابة مديد القوام
شبابك تشابك شديد الزحام
أراهم وراهم غبار الحياه
مداين تعاين كأمّ العروس
تهلل تكلل جبين الإمام
رزازاً يبلل أغانى الخليل
أصدق كلامك حقيقه وبخاف
أخاف الطريق اللى ما بودى ليك
وأعاف الصديق اللى ما بهم بيك
معاك انتظارى ولو بالكفاف
وعنك بعيداً أبيت الرحيل
وبيك اعتزاز الصباح الجميل
جميع الأغانى اتكالن عليك
جميع الأغانى اتكالن عليك


حنبنيهو
محجوب شريف


حنبنيهو البنحلم بيهو يوماتى
وطن شامخ وطن عاتى
وطن خيّر ديمقراطى
وطن مالك زمام أمرو
ومتوهج لهب جمرو
وطن غالى
نجومو تلالى فى العالى
إراده .. سياده .. حريّه
مكان الفرد تتقدم
قيادتنا الجماعيّه
مكان السجنِ مستشفى
مكان المنفى كليّه
مكان الأسري ورديّه مكان الحسره أغنيّه
مكان الطلقه عصفوره تحلق حول نافوره
تمازج شُفّع الروضه
حنبنيهو
البنحلم بيهو يوماتى
وطن للسلم أجنحتو ضدّ الحرب أسلحتو
عدد مافوق ما تحتو مدد للأرض محتله
سند للإيدو ملويّه
حنبنيهو..
البنحلم بيهو يوماتى
وطن حدّادى مدّادىما بنبنيهو فرّادى
ولا بالضجه فى الرادى ولا الخطب الحماسيّه
وطن بالفيهو نتساوى نحلم .. نقرا .. نتداوى
مساكن .. كهربا .. ومويه تحتنا الظلمه تتهاوى
نختّ الفجرِ طاقيّه
وتطلع شمس مقهوره
بخط الشعب ممهوره
تخلي الدنيا مبهوره
إراده
وحده شعبيّه


جيل العطاء
محمد المكى ابراهيم


من غيرنا يعطي لهذا الشعب
معنى أن يعيش وينتصر
من غيرنا ليغير التاريخ
والقيم الجديدة والسير
من غيرنا لصياغة الدنيا
وتركيب الحياة القادمة
جيل العطاء المستجيش
ضراوة ومقاومة
المستميت على المبادىء مؤمنا
المشرئب إلى النجوم لينتقي
صدر السماء لشعبنا
جيلي أنا..
هدم المحالات العتيقة
وانقضي سيف الوثوق مطاعنا
ومشى لباحات الخلود
عيونه مفتوحة
وصدوره مكشوفة
بجراحها متزينة
متخيرا وعر الدروب وسائرا
فوق الرصاص منافحا
جيل العطاء لك البطولات الكبيرة
والجراح الصادحة
ولك الحضور هنا
بقلب العصر فوق طلوله المتناوحة
ولك التفرد فوق صهوات الخيول روامحا
جيلي أنا ..
جيل العطاء لعزمنا
حتما يذل المستحيل وننتصر
وسنبدع الدنيا الجديدة وفق ما نهوى
ونحمل عبء أن نبني الحياة
ونبتكر


عرس السودان
محمد مفتاح الفيتوري


في زمن الغربة والإرتحال تأخذني منك وتعدو الظلال
وانت عشقي حيث لا عشق يا سودان إلا النسور الجبال
يا شرفة التاريخ
يا راية منسوجة
من شموخ النساء وكبرياء الرجال
لمن ترى أعزف أغنيتي ساعة لا مقياس إلا الكمال
إن لم تكن انت الكمال الذي يملأ كأسي ويفيض الجمال
يا شرفة التاريخ
يا راية منسوجة
من شموخ النساء وكبرياء الرجال
فداً لعينيك الدماء التي خطت على الأرض سطور النضال
داست على جلادها وهي في سجونه واستشهدت بجلال
يا شرفة التاريخ
يا راية منسوجة
من شموخ النساء وكبرياء الرجال
فداً لعيني طفلة غازلت دموعها حديقة بالخيال
شمسك في راحتها خضرة طرية من زهر البرتقال
والنيل ثوب أخضر ربما عاكسه الخصر قليلا فمال
يا شرفة التاريخ
يا راية منسوجة
من شموخ النساء وكبرياء الرجال
كان اسمها امدرمان
كان اسمها الثورة كان العرس عرس الشمال
كان جنوبيا هواها وكانت ساعة النصر من جبال الهلال
فدا لك العمر ولولا الأسى لقلت تفديك الليالي الطوال
فدا لك العمر
فدا لك العمر
فدا لك العمر


فتش فى ترابك
المكاشفي محمد بخيت


فتش فى ترابك ..قَلِبوُ ذرة ذره..
تلقانا بنحبك أكتر كل مرة
نحن أولاد كفاحك رغم وجودنا بره..
رغم الخطوة تاهت.. رغم الغربة مُرة
ننشد فى سبيلك عرفانا وجميلك ..
ونرحل فى هتافك يا عِشْقْ إستمرّ..
فتش فى ترابك ..قَلِبوُ ذرة ذره..
بى عينيك نعاين عبر الضَلْمَة باكر
بكرة الجايى باين فى عودة مسافر
أمن قلبو عندك....طاف الريح مهاجر
أنفاسك تنومو لما الحزن جاسر
وأجراسك تقومو ..يصحى معاك يساهر
يصحى الحلم دايماً شعب ضراعو وافر ...
فى الأرض التزغرد فى أفق الحناجر...
والشمس البتطلع فى أعلى المنابر
وزى فى كل مرة أحلى وأغلى ثورة
يا وطن الأمانى وشعب إرادتو حرة...
ياما الضفة تشهد يوم غنيت مكانا
يوم الغابة شافت فى عينيك زمانا
لما الكلمة تطلع منك برتكانه..
زيك نحن نعشق شرط تكون معانا
فى توب البنية وفى لمسات حنانا..
فى كل الأماكن وين ماتروح خطانا
هو العيد نشيدك 0..واللا الفجر عيدك
نحن الفى بعيدك أقرب من وريدك
فى ايدينا جمرة...طول الوكت حرى ..
ياوطن الأمانى وشعبو إرادتو حرة..
زرعو خصام جنوبنا ..بى سبب الديانة ..
الأديان سماحة وروح الدين أمانة..
طول تاريخنا عايشين فى السودان ضرانا
فينا لسانو عربى وفينا لسان رطانه..
مختلفين ثقافة ومختلفين ديانه
من كل التباين وحدنا إنتمانا
ومتفقين فى حبك يا عالى المكانة.


لحظة من وسني
محمد مفتاح الفيتوري

لو لحظة من وسني
تغسل عني حزني
تحملني ترجعني
الى عيون وطني
يا وطني ..
يا وطني يا وطن الأحرار والصراع
الشمس في السماء كالشراع
تعانق الحقول والمراعي
واوجه العمال والزراع
يا وطني ..
أصبح الصبح كأن الزمن
الماضي على الماء نقوش
فارفعي راية اكتوبر
فالثورة مازالت تعيش
وانا مازلت في البعد انادي
يا بلادي
يا مغاني وطني ..
أجمل من فراشة مجنحة
على ضفاف المقرن الجميل
أجمل من نوّارة مفتحة
ترقد تحت ذهب الأصيل
أجمل من رائحة النضال
لم أشم رائحة في صبحك الجليل
يا فخر هذا الجيل
يا وطني ..




ولكم مني كل التحية


 
 توقيع :


رد مع اقتباس
قديم 30-09-2011, 04:18 PM   #2
الذعــــــيم



الصورة الرمزية محمد محجوب بابكر
محمد محجوب بابكر غير متصل

بيانات اضافيه [ + ]
 رقم العضوية : 3711
 تاريخ التسجيل :  Jun 2009
 أخر زيارة : يوم أمس (04:12 PM)
 المشاركات : 373 [ + ]
 التقييم :  10
 معدل التقييم : محمد محجوب بابكر علي طريق الابداع
 الدولهـ
Sudan
 الجنس ~
Male
 MMS ~
MMS ~
 SMS ~
عشان
عيون
اطفالنا
ماتضوق
الهزيمه
لوني المفضل : Cadetblue
افتراضي



ما أجملك يا وطن ياريتي لو أقدر أقول فيك الكلام الما إنكتب


 
 توقيع :


ما مضى لن يعود يبقى زكرى



رد مع اقتباس
قديم 03-10-2012, 04:40 AM   #3


الصورة الرمزية رداد
رداد غير متصل

بيانات اضافيه [ + ]
 رقم العضوية : 15078
 تاريخ التسجيل :  Oct 2012
 أخر زيارة : 09-10-2012 (08:59 PM)
 المشاركات : 1 [ + ]
 التقييم :  10
 معدل التقييم : رداد علي طريق الابداع
لوني المفضل : Cadetblue
افتراضي



كل امنياتي ان يشفي شاعرنا الفحل محمد الفيتوري واطلب من حكومتنا الرشيده
الاهتمام به لانه عملة نادرة يجب الحفاظ عليها


 


رد مع اقتباس
قديم 11-01-2013, 03:24 PM   #4



الصورة الرمزية Abu-Awab
Abu-Awab غير متصل

بيانات اضافيه [ + ]
 رقم العضوية : 1467
 تاريخ التسجيل :  Nov 2007
 أخر زيارة : اليوم (12:07 AM)
 المشاركات : 3,680 [ + ]
 التقييم :  502
 معدل التقييم : Abu-Awab منار النيل الازرقAbu-Awab منار النيل الازرقAbu-Awab منار النيل الازرقAbu-Awab منار النيل الازرقAbu-Awab منار النيل الازرقAbu-Awab منار النيل الازرق
 الدولهـ
Sudan
 الجنس ~
Male
 MMS ~
MMS ~
لوني المفضل : Skyblue
افتراضي



ميدو

لك التحية هذه اناشيد للروح مهما طال مقامها وطالت اغترابها

فداً لعيني طفلة غازلت دموعها حديقة بالخيال
شمسك في راحتها خضرة طرية من زهر البرتقال
والنيل ثوب أخضر ربما عاكسه الخصر قليلا فمال
يا شرفة التاريخ
يا راية منسوجة
من شموخ النساء وكبرياء الرجال
كان اسمها امدرمان
كان اسمها الثورة كان العرس عرس الشمال
كان جنوبيا هواها وكانت ساعة النصر من جبال الهلال
فدا لك العمر ولولا الأسى لقلت تفديك الليالي الطوال


 
 توقيع :
العظمة في هذه الحياة ليست في التعثر، ولكن في القيام بعد كل مرة نتعثر فيها
نيلسون مانديلا


رد مع اقتباس
قديم 16-01-2013, 11:07 AM   #5
إداريـــة سـابقـــة



الصورة الرمزية انا السودان
انا السودان غير متصل

بيانات اضافيه [ + ]
 رقم العضوية : 5699
 تاريخ التسجيل :  Feb 2010
 أخر زيارة : اليوم (01:48 AM)
 المشاركات : 15,994 [ + ]
 التقييم :  7009
 معدل التقييم : انا السودان فخر النيل الازرقانا السودان فخر النيل الازرقانا السودان فخر النيل الازرقانا السودان فخر النيل الازرقانا السودان فخر النيل الازرقانا السودان فخر النيل الازرقانا السودان فخر النيل الازرقانا السودان فخر النيل الازرقانا السودان فخر النيل الازرقانا السودان فخر النيل الازرقانا السودان فخر النيل الازرق
 الدولهـ
Sudan
 الجنس ~
Female
لوني المفضل : Darkmagenta
افتراضي



ابـــــــــــداع مافي شك .. لك التحايا وين ما كنت


 
 توقيع :


رد مع اقتباس
إضافة رد

مواقع النشر (المفضلة)

الكلمات الدلالية (Tags)
للفنان, للوطن, محمد, اغنيات, نريد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
غلطة للفنان الراحل محمد وردى ملكة القلوب منتدى كلمات الاغاني 10 25-12-2013 07:35 PM
كلمات اغاني لي الفنان محمد وردي ود جبرا منتدى كلمات الاغاني 10 06-06-2013 07:10 PM
الصورة ..محمد وردي الأسمر41 منتدى كلمات الاغاني 6 27-05-2010 09:03 AM
محمد وردى ابو جوان منتدى الاغاني السودانية 1 18-10-2008 12:38 AM
كلمات اغانى فنان افريقيا الاول محمد وردى sudani منتدى كلمات الاغاني 102 08-12-2007 03:24 PM

RSS RSS 2.0 XML MAP HTML

Loading...

رسالتنا للمُقلدين : التميز يأتي بالمجهود وليس بالتقليد .. ونجاح أي موقع يعتمد فضلاً من الله وتوفيقه ومن ثم حُب أعضاءه له .. ومن قلدنا أكد لنا أننا الأفضل ( المقلدون خلفنا دائماً ) .