.:: إعلانات النيل الازرق ::.

أهلا وسهلا بك إلى منتديات النيل الازرق السودانية.
أهلا وسهلا بك زائرنا الكريم، إذا كانت هذه زيارتك الأولى للمنتدى، فيرجى التكرم بزيارة صفحة التعليمـــات، بالضغط هنا. كما يشرفنا أن تقوم بالتسجيل بالضغط هنا إذا رغبت بالمشاركة في المنتدى، أما إذا رغبت بقراءة المواضيع والإطلاع فتفضل بزيارة القسم الذي ترغب أدناه.
العودة   منتديات النيل الازرق السودانية > منتديات الأدب والفنون > منتدى القصص والحكايات

منتدى القصص والحكايات يختص بسرد القصص والروايات المختلفة

الإهداءات

إضافة رد
 
أدوات الموضوع انواع عرض الموضوع
قديم 23-04-2018, 11:16 AM   #11
الادارة



الصورة الرمزية يوسف مدير
يوسف مدير غير متصل

بيانات اضافيه [ + ]
 رقم العضوية : 11520
 تاريخ التسجيل :  Jul 2011
 أخر زيارة : اليوم (10:15 AM)
 المشاركات : 8,564 [ + ]
 التقييم :  5203
 الدولهـ
Sudan
 الجنس ~
Male
 SMS ~
1000
لوني المفضل : Blue
افتراضي



صراحة مدعومة
الحلقة 11
بقلم طارق اللبيب
ام الحسين بت السيد والدة الباقر .. مشت بعد الفطور طوالي لي ناس ناس السرة ..والنسوان هناك ما شاء الله كمية لا يستهان بها .. والقهوة مدورة . والبخور ده مايديك الدرب .. وام الحسين سلمت علىهم وقعدت .. وعيونها تفتش لي منو؟ للعازة .. وتنضم براها ..وينا العازة؟ القوالة الصواطة ام خشما" خفيف.. بس الليلة النلم فيها .. والله الليلة ادخلها في خرم ابرة ..
ووووب .. شافتها طوالي .. قالت ليها تعالي يا العازة.. ياختي الحي بلاقي .. والمغتا على الله مكشوف .. انتي متين انا قلت ليك ولدي الباقر خلا هنادي بت منى عشان سمعتها؟؟
مالا يا يمة هنادي بت منى؟ اريتا بت السرور .. العديلة الطيبة العاقلة .. المحتشمة.. مالا يا يمة هنادي؟ حايمة بالنوادي .. ولا شافوها في شارع الوادي ؟؟ مالا يايمة هنادي بت منى .. اريتا بت الهنا .. (طبعا بتتكلم بصوت عااالي وتسمع في النسوان) ..
هنادي كان فيها كلمة نحن كنا خطبناها لي ولدنا؟ اسمعن يا نسوان .. وحات الله الخلقني .. نحن هنادي ماعندنا فيها كلمة .. وهنادي هي الرفضت ولدي .. قالت ماعندها نية عرس .. عشان ابوها ايدو احدة .. وهي باقية ليهو ولد وبت ..
هسي كان فيكن واحد تقدر تقنع هنادي تأخد الباقر .. نحن قبلانين ..
والله سمعتها زي الدهب.. لكن ناس العازة .. الحمد لله ماعندهم شغلة غير الكضب في الناس ..
العازة قالت ليها عاد يا ام الحسين .. قبلك وحدك وبراك .. يعني انا الكلام جايباهو من وين؟
قالت ليها قبلك انتي.. البتألفي الكلام.. وتجي تقولي قالت لي فلانة .. عليكن الله يانسوان حصل يوم سمعتني جبت قول في زول؟
عليكن الله كان سألوكن .. القوالة انا ولا السارة بتقولن شنو؟
واحدة قاعدة هناك .. قالت ليها والله الموت حار يا ام الحسين نحن ماسعنا ليك قوايل .. لكن السارة النصيحة لي الله ..حياتها كلها قوايل وهجايم في الناس .. الحريم الباقيات قالن صدقت والله .. ام الحسين مافيها كلام ...
شادية خالة شروق .. طبعا حاضرة وانبسطت بسط شديد .. قالت ليها يعني يا بنات امي .. هنادي طلعت بريئة ومهجومة .. سبحان الله .. اتاريك ياشروق بت اختي.. مابتتكلمي من فراغ ..
الحمد لله ظهر الحق .. انا كان دقيت لي شروق وجات هسي عرفت الكلام ده ..والله يا العارة الا تمعطك ..
لكن مافي داعي مادام الناس عرفت كضبك وافتراك .. والعازة تحلف وتتقطع .. والله الكلام قالته لي ام الحسين.. ماقطعتو من راسي .. وام الحسين تقول ليها اسكتي يادجالة ..راسك بالسيف .. كمان تكضبي فوقي قدامي .. وطبعا الناس كلهم صدقو ام الحسين لانو العازة معرفة بتاعة لخبطة ..
كل وكالات الانباء واجهزة الأعلام المعتمدة اخدت خبر طازة هههه
اما ليميا وصلت ناس هنادي.. في نفس المواعيد الكانت امها مولعاها بي جاي .. لقت ادريس قاعد برة في المعرض .. خالف كراعو بقرا ليهو في جريدة .. سلمت عليهو كيفك ياعمو .. ياعمو هنادي موجودة؟ .. نزل نظاراتو وقال ليها عليكم السلام .. انتي بت حاج عمر موش كدا؟ قالت ليهو ايوا ياعمو انا ليمياء .
قال ليها اتفضلي هنادي جوة .. الليلة امها مصدعة شوية.. بتعمل لينا في الأكل .. قالت ليهو يعني الليلة مانجارة .. ضحك قال ليها لالا الليلة الموظف ماخد اجازة بدون مرتب ..
دخلت البت.. وعمك ادريس مستغرب في البت دي.. الجابها شنو؟ اصلا ماقاعدة تجي .. بتجي تومتها التانية .. لونها فاتح اكتر منها شوية .. ليمياء قمحية .. ولينة بيضاء .. وما بتشابهو شديد كدا زي كل التوائم .. لكن يعني بتعرفو اخوات ..
المهم دخلت وسلمت على منى .. منى رابطة راسها وراقده في الاوضة .. وهنادي في المطبخ بتعمل في الفطور يادوب لابوها ..
سلمت عليها وقعدتها في البرندة ..قالت ليها لحظات بس افطر ابوي واجيك ..
قعدتها في البرندة .. ودخلت المطبخ شالت التلفون ضربت لشروق .. قالت ليها انتي وين براااحة كدا.. بالوسوسة عشان ديك ماتسمع .. قالت ليها انا في البيت ..مالك يابت بتوسوسي كدا ؟
قالت ليها تعالي سريع .. ليميا بت عمر جاتنا ماعارفاها مالا؟ تعالي انا محتاجة ليك ضروري ..
شروق قالت ليها جاياك هسي.. ماتتصرفي اي تصرف قبل ما اجيك .. قالت ليها حاضر راجياك .. تعالي سريع .. وهنادي حاسة انو ليمياء جاية تتكلم معاها في موضوع الباقر ..
المهم هنادي عملت الفطور لابوها وختت ليهو الموية وقالت ليهو افطر انا بفطر مع الضيفة دي ؟ قال ليها دي مالا ان شاء الله خير .. قالت ليهو لسة يا ابوي ماعارفة لكن بوريك بالتفاصيل .. اكل انت بالهنا ..
غسلت ليهو يدو وخلتو يفطر ومشت بيغادي ..عملت فطور وقالت لي
ليمياء تعالي جوة.. اخدي لي لقمة معانا .. قالت ليها انا فطرت والله يا هنادي .. اكلو راجياك ان شاء الله بالهنا ..
هنادي مشت ختت فطور لامها.. وقالت ليها انا بحشى لي عيشة وبطلع ليها .. منى قالت ليها دي عندها شنو؟ .. ماقاعدة تجينا اصلا.. قالت ليها شكلها جايبها الشديد القوي ..
المهم شالت العيشة ومعاها كباية عصير.. وطلعت لي ليمياء .. كباية العصير ختتها ليها قدامها .. قالت ليها مادام ابيتي الفطور اشربي البارد ..
وقعدت هنادي تاكل وتعاين لي ليمياء دايراها تنطق تقول ..
ليميا شربت العصير جيييييت .. وختت الكباية.. ومسحت خشمها وقالت ليها .. الموضوع يا هنادي .. طبعا انا متابعة الحاصل بينك وبين الباقر .. بالمناسبة يا هنادي الباقر ده نحن ماعارفنو مالو بتصرف كدا ..تصرفات غريبة في الايام دي ..
متردد وافكاره مشتتة .. امي قالت بكون مضروب عين .. لكن انا قلت ليها ده كلو بي سبب حب هنادي .. الباقر بحبك شديد ياهنادي .. وماقاعد نوم الليل من يوم اتفارقتو ..
هنادي قالت ليها لالا ياختي ..انتي مافاهمة الباقر عنده زولة رجعت ليهو ..انتي ماعندك خبر .. قالت ليها زولة شنو؟
والله هو براهو قال لي ماعندي اي زول غير هنادي .. وماعارف كتبت ليها قلت ليها كدا ليه ونهيت العلاقة؟ .. ماعندو ياهنادي صدقيني.. انا بعرف الباقر وبقرا رسايلو ..
حتى الرسالة القاليك فيها الكلام ده انا قريتها.. ورسايلك انتي .. تلاتة رسايل بس ..واحدة اهلين الباقر كيفك .. وواحدة مساء الخير.. والاخيرة صباح الخير .. تاني مارسلتي ليهو .. صح ولا انا غلطانة ..
هنادي قالت ليها صح والله ياهو .. لكن الحاصل شنو؟ مالو الباقر قال ماعايزني؟ انا مالي غلطت فيهو في شنو؟
قالت ليها ماغلطتي.. وهو عارف كدا.. بس عمل حركة عبيطة .. وشكلو كان بهظر معاك.. وعايز يشوف ردة فعلك ..وتاني خحل ماقدر يرجع ليك ..بس انتو استعجلتو .. ومشيتو كلمتو ابوي ..
هنادي دي من الكلام ده اتأثرت.. تأثير شديد خلاص .. وقالت ليها يعني الباقر لغاية هسي باقي علي؟؟؟
قالت ليها ايو نعم ..والله باقي عليك لو مامصدقاني انا هسي بخليهو يضرب ليك.. ويعتذر منك بي نفسو ..
قالت ليها انا ماقادرة اصدق .. وهنادي فعلا فرحت شديد .. وبقت تفكر تكلم امها وابوها كيف؟ ..
قامت قالت لي ليمياء يازولة اضربي ليهو .. خليني اسمع الكلام ده منو واي شي بتصلح .. مافي مشكلة انا قلبي بسامح ..
في اللحظة شروق جات .. سلمت .. وقعدت . هنادي قالت ليها يا ليمياء شروق دي زي اختي بت امي .. اتكلمي قدامها عادي ..عارفة عني اي حاجة ..
لمياء قالت ليها المهم ياهنادي.. هسي الباقر منتظر منك الرد ..
طبعا شروق طيرت عيونها .. قالت ليها الباقر منو ا ليمياء؟ .. قالت ليها الباقر اخوي ..
قالت ليها رد في شنو يعني ؟ قالت ليها طبعا حصلت بينهم سوء تفاهم ..هو وهنادي ..وهسي هو رسلني ليها بعتذر ..
شروق قالت ليها ..يفتح الله يختي .. تاني هنادي مستحيل ترجع للباقر .. هنادي قالت ليها في شنو ياشوشو؟؟
شروق قالت ليها اسكتي ياهنادي.. خليني اتكلم معاها..لوو سمحتي ..
وقبلت علي ليمياء .. قالت ليها .. انتي الباقر مارسلك .. عارفة ليه؟
لانو الباقر قال لامه .. خليت هنادي عشان سمعتها ماكويسة .. وامك كلمت العازة .. والعازة قالت الكلام للنسوان في القهوة والخبر ملا الحله .. مادام هنادي سمعتها ماكويسة .. انتو عايزين بيها شنو؟
طبعا هنادي هنا طيرت عيونا .. وحيلها مات.. وبقت تتمتم في الكلام .. وفي حاجة خنقتها في حلقها ..
اول مرة تسمع كلام زي ده في حياتها ..
قال ليها يا شروووووق .. ده كلام شنو البتقولي فيهو ده ..؟؟
قالت ليها دي الحقيقة ياهنادي .. ولو ما مصدقاني اسألي شادية خالتي وسمية فاروق زوجة اسامة .. وكل النسوان حاضرات الكلام .. انا ياهنادي ما ممكن اتبلى على انسان .. لكن هم عايزين يوسخو سمعتك .. وانا مستحيل اخليك ترجعي للناس ديل ..
هنادي قالت ليها انتي ياشروق بتثبتي على كلامك ده ؟ قالت ليها ايوة بثبت.. ومستعدة اصل بيهو القانون .. وعندي شهود ..
بس هنادي انفصمت في ليمياء ..
قالت ليها اسمعي .. اطلعي . اطلعي .. اطلعي من بيتنا ده.. قبل ما اجيب الكبريتة واحرقك .. وقولي للباقر انتظرني .. والله الليلة
الا تشوفو ليكم بلد ترحلو ليهو ..
ليميا قامت خايفة ..ومطيرة عيونها من الهيجة الهاجتها هنادي ..
وطلعت من البيت.. وجمب الباب اتلففت وقالت لي شروق منك لله ياشروق يامفتنة ..
قالت ليها اطلعي يلا امشي.. يا ناس يا ما بتخافو الله .. والليلة ارجو الجاييكم ..
هنادي قالت لي شروق انتي الكلام ده جبتيهو من وين؟ .. قالت ليها والله ياهنادي انا ماكنت عايزة اكلمك.. خايفة عليك من الزعل .. لكن مادام تاني جوك .. انا لازم اتدخل .. سمعتو يوم القهوة الفاتت عند ناس السرة .. هنادي رمت دموع حارة خلاص.. وقالت ليها حرام عليك ياشروووق .. الناس يتكلمو فيني وانتي ماتقولي لي ..
مشت طوالي نادت ابوها .. وعيونا حمر وتبكي بكى مر ..
عمك انزعج شديد لمن شاف هنادي تبكي كدا .. قال ليها امك مالا.؟قالت ليهو امي كويسة ..تعال شوف الناس قالو فيني شنو يا ابوي .. تعال شوف بتك البتفتخر بيها.. بقولو عنها شنو؟
الى اللقاء ..


 
 توقيع :



تعجز كل مفردات الشكر والإجلال للرائعة صاحبة الذوق العالي رؤى


رد مع اقتباس
قديم 23-04-2018, 11:17 AM   #12
الادارة



الصورة الرمزية يوسف مدير
يوسف مدير غير متصل

بيانات اضافيه [ + ]
 رقم العضوية : 11520
 تاريخ التسجيل :  Jul 2011
 أخر زيارة : اليوم (10:15 AM)
 المشاركات : 8,564 [ + ]
 التقييم :  5203
 الدولهـ
Sudan
 الجنس ~
Male
 SMS ~
1000
لوني المفضل : Blue
افتراضي



صراحة مدعومة
الحلقة 12
بقلم طارق اللبيب
ادريس ارتبك واتفاجأ واتخلع وجا خلا المعرض فاتح .. لابس ليهو شبشب كل مرة يتملص منو ويلبسو راجع .و في النهاية جا شايل فردة وفردة لابسها .. من اللخمة .. جاي ماشي على البرنده .. وشروق قاعدة وليمياء طلعت ..
قال لي هنادي .. كدي اهدي ياهنادي شوية .. وفهميني بي رواقة الحاصل شنو؟
قالت ليهو موش انا قريت لك الرسالة بتاعة الباقر.. انو هو قال عندو واحدة رجعت ليهو عشان كدا خلاني .. اتخيل مشى قال لامو انا خليتها لانها ماكويسة .. دي انا يا ابوي .. سبحان الله .. انا ماح اخليهم ..
قال ليها كدي دقيقة .. قال كدا لمنو ؟
قالت ليهو اسمع من شروق ..
شروق قالت ليهو والله ياعمو الكلام ده منتشر في الحلة ليهو تلاتة اربعة يوم .. وانا لو ما جات ليميا ماكنت عايزة اقولو .. انا شاديه ضربت لي ونادتني عند ناس السرة وحصل حصل ..
قال ليها يعني الكلام طالع من ام الحسين كلمها ولدها؟ ..
طيب ما مشكلة .. من حقو يخلي البت المانافعة..
بس عرف كيف انو بتي انا ماكويسة ؟
قالت ليهو والله ماعارفة ياعم ادريس .. بس الكلام ده انا واجعني
قال ليها وهسي الحصل شنو يعني؟ وليميا مشت مالا؟ ..
حكو ليهو انها جات ترجع المياه الى مجاريها ..
قال ليهم طيب كيف هنادي ترجع ليهو وهي زي مابقول كدا؟ الكلام ده فيهو ان
واحسن يا هنادي مانقوم بالحماقة ساي وبعدين نندم ..
وبعدين ياهنادي الزول لمن يزعل مابتصرف صاح .. انتي خليك هادية .. وخليني افكر برواقة في الموضوع .. بعدين نشوف ح نعمل شنو؟ بس انا عايز اسألك سؤال .. انتي موش واثقة في نفسك انتي شنو؟
قالت ليهو واثقة يابوي ..
قال ليها وانا واثق منك .. وامك واثقة منك.. واي زول بعرفك عارف ان انتي شنو؟ مالك ومال كلام الناس ؟ من تابع الناس مات هما يابتي ..
وهو لو راجل وعنده كلام اليقولو قدامك .. ماينشي يقولو للحريم ..
نحن الشمشرة بتاعة الحريم دي . ما بنقوم فيها .. ولا بشتغل بيها .. يخسي على الراجل البشيل القوالة مع الحريم ..
بس انا عايز اسألك سؤال .. ليميا الجات دي ذنبها شنو تطرديها ؟؟
انتي غلطانة في الموضوع ده .. دي ماقالت كلام ولانقلت كلام .. دي زولة جاتك محضر خير..
المفروض تتكلمي معاها براحة وبي منطق.. وتقولي لي ليها انا رافضة الموضوع ..
قالت ليهو صاح يا ابوي ..لكن انا زعلانة والله قلبي مولع نار .. قال ليها والله يابتي التهمة حارة .. لكن الزول المفروض يتريث وقت الزعل.. شفتي الغضب بعمي الزول كيف؟
وادريس عاين لي شروق لقاها مستغربة في البرود بتاعو ..
قال ليها انتي ياشروق مستغربة اني بارد كدا ..
والكلام ما أثر فيني ليه ؟ لاني واثق من بتي .. وعارف انو ربنا ح ينتقم من الناس البتكلمو فيها بالباطل ..
قالت ليهو والله صدقت ياعم ادريس.. ان شاء الله ربنا يدينا صبرك واخلاقك دي ..
ادريس قعد.. وقال استغفر الله العظيم من كل ذنب عظيم .. انتي عارفة ياهنادي .. البلد دي بقت عايشة على الاشاعات والكلام في اعراض الخلق.. نسأل الله السلامة .. وانتي طبعا متعلمة وعارفة انو امنا عائشة .. طلعو فيها اشاعة بالافك زي ما قالو عنك ..
انتي قولي الحمد لله.. انو ربنا ختاني في مكان عائشة .. ما ختاني في مكان ابن سلول ..
والله انتي ماعارفة الانتقام الرباني الممكن يحل بالناس ديل شنو..
ان الذين جاءوا بالافك عصبة منكم لاتحسبوه شرا لكم بل هو خير لكم .. والله يا هنادي لي خير ليك .. وانا ده كلام متأكد منه ..
الاشاعة ياهنادي بألفها الحاقد .. وبنقلها الخسيس .. وبصدقها الأحمق ..
وقعد يحكي ليهم في قصص وحكايات.. بتاعات اشاعات طلعت في ناس .. وشنو الحصل للناس العملو الاشاعات .. والعواقب الوخيمة ..
في اللحظة دي شادية خالة شروق اتصلت.. علي شروق في تلفونها .. قالت ليها انتي وين ياشروق ؟
قالت ليها انا مع ناس هنادي في البيت .. قالت ليها ماشفتي الليلة الحصل في القعدة عند ناس السرة؟
قالت ليها اها تاني في شنو؟ قالت ليها جات ام الحسين وحصل حصل .. والله العازة وام الحسين قربن يتماعطن .. والعازة طلعت كضابة .. ام الحسين ماقالت ليها اي كلام .. العازة الفت الكلام من راسها .. قالت ليها ده كلام شنو يا شادية ؟؟
قالت ليها والله زي ما اقول ليك .. العازة هجمت فوق ام الحسين الكلام بالكضب ..
شروق قالت ليها انتي هسي في بيتك؟ تعالي لينا عند ناس هنادي .. نحن راجنك .. عشان يسمعو الكلام ده من خشمك ..
طبعا هنادي وابوها قاعدين يسمعوا في الكلام.. بس عرفو انو الكلام بخص هنادي ..
هنادي قالت ليها في شنو يا شروق .. تاني قالو شنو الناس ديل؟ .. قالت ليها اصبري شادية جايانا .. قالت الكلام طلع كضب .. وام الحسين والباقر ماقالو الكلام ده .. قالت ليه معقول؟؟
يعني هسي انا هايجه في الفاضي ؟ كرعلي يا شروق طردت ليمياء بلاسبب ..
ابوها عاين ليها كدا .. وقال ليها شوفتي يا هنادي؟ .. انا هسي لو قمت بالزعل ..ومشيت للناس ديل في بيتهم .. ومسحت بيهم الارض .. كنت ندمت صح؟
بس الحمد لله انا ما الراجل البقوم في قوايل النسوان ..
ناهد قالت ليهو انت الزيك منو يا صباح الخير ..
طبعا الجوطة دي كلها ومنى ام هنادي راقدة جوة مصدعة وتعبانة .وماسامعة اي حاجة .. ومامعروف لو سمعت الممكن يحصل شنو .
لكن رحمة بي هنادي .. ولانه ربنا واقف معاها .. امها لغاية الان ماعندها اي خبر ..
لحظة قبل ما تجي شادية .. نشوف ليمياء .. طبعا وصلت هناك البيت وماشايفة قدامها كويس .. لقت الباقر نايم في الصالون.. ابت تصحيهو ..
طبعا مالقت امها .. لسع ماجات من ناس السرة .. انتظرتها لمن جات .. وحكت ليها الحصل .. امها قالت ليها .. مخير الله الباقر والله وقع في مشكلة .. ربنا يجيب العواقب سليمة .. يعني يادوب عرفو القوالة هم؟ ..
قالت ليها ايوة من شروق . وطوالي طردوني قالت ليها . بركة الطردوك .. اول انتي ماشة ليهم ليه؟ الباقر براهو مابشوف في الشارع ..
قالت ليها يا امي والله انا الناس ديل مابحبهم ولابحب امشي ليهم . بس الباقر ضغطني .. هو شال تلفوني وابا يديني ليهو .. قال لي الا تمشي ليهم حتن اديك تلفونك .. قالت ليها امشي قولي ليهو امي قالت ليك جيب التلفون ..
اها لمن مشت بي غادي للباقر لقتو صحى . وماسك تلفونها يقلب فيهو .. قالت ليهو والله حصل حصل حصل ..
الباقر قال ليها اصلك انتي نحس.. واي حتة يرسلوك ليها .. مابتجيبي خبر خير .. قالت ليهو طيب اديني تلفوني ..
قال ليها ابيت ..
بس البت هاجت فيهو.. وقعدت تكورك عشان امها تسمعها .. قام عليها داير يضربها قامت جارية .. وفي جريتها ديك صادفها اخوها حسين الكبير .. جاي يادوب داخل .. قال ليها في شنو يا ليميا .. قالت ليهو الباقر شال تلفوني وابا يديني ليهو ..
حسين جاهو .. قال ليهو اديها تلفونها يا الباقر .. قال ليهو لالا مابديهو ليها لمن تعرف انت شلتو منها ليه؟
تعال اقعد اولا حصل حصل حصل .. ولقيناها مرسلة رسايل كيت كيت .. قال ليهو انت يا الباقر قريت الرسايل بي نفسك؟
قال ليهو نعم قريتها والله .. وكمال برضو قراها .. كلها لمن يلاقيك أساله .
حسين قال ليهو .. دي تصرفات اختك ..وانت قاعد زي الخايب ؟؟ توف عليك وعلي وشك ..
بس يازول حسين عيونو انقلبن حمر .. وبقى يرجف .. وقام علي حيلو مشى لي ليمياء بي غادي. لقاها قاعد جنب امها ..خايفة دايرة تموت من الخوف .. لانها بتخاف من حسين شديد .. ومابتخاف من الباقر..
حسين قال ليها قومي تعالي .. قالت ليهو انا مالي؟ والله الباقر كذاب .. قال ليها بقول ليك قومي تعالي ..
ساقها وداها بي غادي .. قال ليها اقعدي هنا ..
وضرب تلفون لي كمال ..
قال ليهو يا كمال انا بسألك سؤال واحد بس جاوبني عليهو ..
هل انت قريت رسايل من ليميا اختي .. في تلفون ياسر مصطفى؟
ولا الباقر ده كذاب ؟ كمال قال ليهو صح .. الباقر ماكذاب ..
بس حسين قفل التلفون من كمال.. ومسك البت من شعرها وضرب بيها الحيطة .. ضربة شديدة .. البت من الحيطة جات واقعة ضربت في كراع السرير .. ووقعت في الارض مغمى عليها ..
امها جات جارية وابوها جا جاري.. ويرشو فيها بالموية والدم مارق من خشمها ونخريها .. ربك يستر ..
الى اللقاء ..


 
 توقيع :



تعجز كل مفردات الشكر والإجلال للرائعة صاحبة الذوق العالي رؤى


رد مع اقتباس
قديم 05-06-2018, 08:35 AM   #13
الادارة



الصورة الرمزية يوسف مدير
يوسف مدير غير متصل

بيانات اضافيه [ + ]
 رقم العضوية : 11520
 تاريخ التسجيل :  Jul 2011
 أخر زيارة : اليوم (10:15 AM)
 المشاركات : 8,564 [ + ]
 التقييم :  5203
 الدولهـ
Sudan
 الجنس ~
Male
 SMS ~
1000
لوني المفضل : Blue
افتراضي



صراحة مدعومة
الحلقة 13
بقلم طارق اللبيب .
ليميا واقعة في الارض ونازفة دم .. ابوها والباقر رفعوها فوق السرير ..وحسين خلاها وطلع ..لينه جات خاشة لقت اختها في الحالة دي فكتها صرخة .. زي صفارة الحكم بتاعة ضربة الجزاء .. الحلة كلها سمعت الصرخة .. خصوصا ناس عمر بيتهم عالي فوق تلة.. يعني الصوت بكون وصل ناس هنادي ..
يازول لمن صرخت كدا ابوها قمز عليها عايز يكفتها فوق خشمها ده .. ليميا لمن ختوها فوق السرير فتحت .. ومسكت راسها متالمة ..
لينه قالت لامها مالا ليميا يا امي؟ قالت ليها ضربها حسين ؟ قالت ليها في شنو؟
قالت ليها عليك الله يالينة امشي من قدامي النشوف اختك .. ودخلت الام شايلة ليها بشكير وموية. عشان تغسل ليها الدم .. ليميا ماسكة راسها وتبكي قالت ليهو يا ابوي .. راسي ح يتفجر..
قال ليها اهدي اهدي يا ليميا .عشان لو راسك ماخف نمشي المستوصف .. امها قالت ليهو لازم نعمل ليها صورة. الحصل شنو ما معروف .. قال ليها اصبري يا ام الحسين ..
غسلو ليها وشها وخشمها الاتورم .. وشفتها العليا من فوق اتجرحت بضغطة الاسنان .. وماقادرة تتكلم .. جابو الموية الباردة وبعملو ليها في مكمدات ..
وكل شوية هي ماشة احسن .. ماشاء الله البت روحها روح كلب .. غايتو الضربة الضربها ليها الزول اب رقبة ده .. انا قلت ماتقوم منها تاني لكن الحمد لله .. بس المشكلة وين؟ .. نسوان الحلة انكسرن في البيت لانهن سمعن الصرخة ..واول مايلاقن جنب الباب لاقن البت الاسمها لينة ..
واحدة من الحريم قالت ليها مالكن يا لينة؟ الحاصل شنو نحن قلنا في زول ضربتو كهربا ولا بيت وقع ..
قالت ليها دي اختي ليمياء ضربها حسين ..
لكن النسوان لمن دخلن جوة يشوفن البت ..سألن امها قالت ليهم وقعت من السرير .. الحريم كل واحدة بقت تعاين للتانية ..
والكلام اختلف ..البت بره قالت ضربها حسين.. والام قالت وقعت من السرير يصدقوا منو يابنات امي؟ .. ده كلام فوق عيون النسوان من غير صوت ..
المهم قالن كفارة ان شاء الله حسنة واجر.. والله اتخلعنا لكن الحمد لله .. ترا البت ماعندها عوجة.. ضربة بسيطة والورم ده هسي بنفش ..
الحريم ديل زي اربعة لمن هن مارقات في نسوان لاقنهن في الشارع
قالن ليهن ديل مالن يانسوان ؟؟
واحة قالت لهن ..دي واحدة في التومات اخوها ضربها لكن ناكرنو .. تكون مسوية شنو؟ الله اعلم ..
وديل دخلن وديل مرقن .. والمراسلين الاخباريين اشتغلو وبالتلفونات ..
قالو ليميا بت عمر اخوها حسين ضربها لامن غمرت .. وكلها نص ساعة .. والخبر انتشر في الحلة كانتشار النار في الهشيم ..
بعد البت ارتاحت شوية .. عمك عمر ضرب لحسين ناداهو .. قال ليهو.. انت ياحسين البت دي ضربتها في شنو؟
حكى ليهو الكلام .. قال ليهو تركب هسي تمشي تفتش ياسر ده من تحت الارض.. وتشوف الكلام ده صح ولا كضب ..
قال ليهو يا ابوي الزول ده انا لو لاقيتو.. بخفس بيهو الواطه..
قال ليهو امال داير تعاين ليهو زي الباقر الني ؟ لازم تطيرو تاني لو لاقاها في الشارع مايرفع عينو عليها ..
وانا ليميا قادر اتصرف معاها .. الكلام ده كلو كان في عصر يوم الاربعا .
والحصل شنو تاني مع الناس ديل الله اعلم..
اما هنادي بعد ما عرفت الكلام من شادية وشروق . اتأكدت انو
الباقر وامو بريئين من الكلام ..تاني ما اشتغلت بالموضوع ..
اهااا ياجماعة ..تاني يوم الصباح من الكلام ده ..
شادية سمعت بانو ليميا اخوها ضربها.. وهسي راقدة في البيت .. بس لسع ماعرفت اخوها ضربها في شنو؟ وقالو الكلام داسنو .. وامها اي زول يجي بتقول ليهو وقعت براها ..
قامت شادية خالة هنادي ساقت معاها سمية .. سمية زوجة اسامة متذكرنها طبعا".. ساقتها وماشات يكفرن لي ام الحسين لبنتها ..
في الشارع بتونسن .. الكلام ده صباح الخميس ..
قالت ليها شفتي ياسمية سبحان الله .. العازة الكضابة تألف في الناس وتكضب ..
قالت ليها هوي ها .. انتي مافاهمة اي حاجة ..
امبارح بالليل .. اسامة قال لي هنادي طلعت بريئة .. ونحن مشينا اتأكدنا من كدا .. معاي اسامة والباقر ..
قلت ليهو برئتوها كيف .. قال لي فتشنا تلفون ياسر مصطفى .. لانو الباقر كان مصر قال البت عندها علاقة مع ياسر .. لقينا مافي رسايل ولاشي .. حتى الولد قال انا مابعرف لهنادي اي شي كعب .. والباقر لمن شاف تلفون اسامة واتاكد منه .. حتى قلبو اطمأن .. ده كلام راجلي من خشمو لاضاني ..
يعني ياشادية فعلا الباقر كان شاكي في هنادي ..
وكلم اصحابو كمال واسامة .. الكلام ياشادية العازة ماجايباهو من راسها .بس المراة نكرت سااااكت .. غايتو الناس ديل اعوذ بالله ..
شادية بعد ما ماشة وقفت .. وقبلت على شادية قالت ليها انتي متأكدة من الكلام ده؟ قالت ليها والله متأكدة تأكيد شديد ..
شادية خالة شروق .. راسها جاط وماعرفت تقول حاجة .. بس قالت ليها .. ترا الباقر وامو ربنا انتقم منهم في بتهم.. اليخمو ويصرو الحلة كلها شايلاهم في خشومها .. قالت ليها فغلا والله عشان اتهمو بت الناس المسكينة بلا سبب ..
شادية حكت لي سمية .. كل الحصل في بيت ناس هنادي .. وطردت البت .. وكلام شروق .. وكلام ادريس .. كلووو..
وقالت ليها طبعا ياسمية .لسه هنادي قايله الباقر وامه ابرياء .. لكن الخبر ح يصلا بس النجي راجعة هههههه ..
غايتو جنس حالة !!!
بعد رجعن من ناس ام الحسين .. سمية لمتين تصل لي راجلا اسامة وتحكي ليهو تفاصيل الاخبار .. اليومين دي اسامة في اجازة وهي لاقية فرصتها ..
جاتو قالت ليهو حصل حصل حصل .. بالتفصيل الممل ..
بس رد عليها بكلمة واحدة قال ليها ..سبحان الله شوف الثقة دي بالله ..
قالت ليهو ثقة شنو؟
قال ليها الراجل الفاهم ..لمن يكون واثق في بتو .. وعارف عزو كلام الناس مابهزو .. ناس هنادي ديل .. ناس ملايكة ..ما المفروض يسكنو في الحلة دي .. دي حلة ملعونة ..
قالت ليهو اووووب علي انا من هنادي الملايكة ..لفيت البلد كلها عشان تطلعها براءة .. وهسي تشكر فيها ؟؟ انت ياراجل مشكلتك شنو؟ ماتراعي لي شعوري انا زوجتك ..
قال ليها عليك الله ياسمية .. انا جيعان لمن راسي ده موجعني قومي سوي لي فطور.. بعد كملتي حوامتك ولقيط الاخبار ..
بعد سوت ليهو الفطور قعد يفطر قريب الساعة 12 معاهو ولده الصغير جاي من المدرسة .. بس جات قعدت وهو يفطر ويهظر مع الولد .. قالت ليهو يا اسامة .. والله انا ماحارقني شمار قدر شمار ميادة بت العازة .. والله الا امشي اسأل منها شروق ..
اسامة قال ليها اسمعي .. شيلي الاكل ده من قدامي.. انا خليتو الفطور .. قالت ليهو انا آسفة .. عليك الله تكمل اكلك .. والله تاني خشمي مابفتحو ..
قال ليها معليش بطني طمت من الاكل.. ولبس نعلاته وطلع ..
قالت ليهو ماشي وين؟ .. قال ليها ماشي ناس خالتي .. في حاجه؟
قالت ليهو ايوااا ماشي لي كمال .. عشان تمشو بثبتو براءة ميادة ؟..
الزول عاين ليها كدا ..وقرب يبكي من المغسة والاحباط ..
طلع طوالي .. مشى لاقى كمال وقعدو يتونسو .. قال ليهو والله المراة دي احمتني الفطور .. ياخي بس شغالة نقة وشمارات .. ما مخلية زول في حاله .. قال ليهو اها تاني في شنو؟
قال ليهو والله ياكمال انا مامالي راسي غير هنادي وابوها .. اتخيل لمن سمعو انو الباقر وامو متكلمين في سمعة البت.. ردة فعلهم كانت شنو؟
قال ليهو اها شنو؟ قال ليهو سكتو .. ولا اي شي .. ولا مشو سألو ولاعملو مشكلة ولا يحزنون ..
كمال قال ليهو يا اسامة اقول ليك كلام ؟؟ انا والله ماكان عندي رغبة في زواج .. لكن والله هسي جاتني رغبة شديدة اتزوج هنادي دي..
زالله اليومين دي بس .. معشعة هنادي في خيالي .. ما قادر اصرفها من جواي كلو كلو ..
والله دي مراة سترة يا اسامة .. ما دام الله صرف منها الباقر ده ..حقو اقوم اتحرك .. انت رايك شنو بقبلو بي الناس ديل ؟
اسامة قال ليهو . قال ليهو طيب انت راجي شنو .. راجي المولد؟ كيف مايقبلو بيك مالك؟
بس انت هنادي علاقتك معاها كيف ؟ قال ليهو والله بس سلام ومرحب كيفك هنادي.؟.. مرحب كمال .. وبيني وبينها كل الاحترام والتقدير..
لكن طبعا زي ماعارف .. احتمال عشان مشكلة ابوي .. مايقبلو بي .. عارفين مشكلة ابوهو شنو؟
الى اللقاء ..


 
 توقيع :



تعجز كل مفردات الشكر والإجلال للرائعة صاحبة الذوق العالي رؤى


رد مع اقتباس
قديم 05-06-2018, 08:36 AM   #14
الادارة



الصورة الرمزية يوسف مدير
يوسف مدير غير متصل

بيانات اضافيه [ + ]
 رقم العضوية : 11520
 تاريخ التسجيل :  Jul 2011
 أخر زيارة : اليوم (10:15 AM)
 المشاركات : 8,564 [ + ]
 التقييم :  5203
 الدولهـ
Sudan
 الجنس ~
Male
 SMS ~
1000
لوني المفضل : Blue
افتراضي



📚طارق اللبيب
صراحة مدعومة
الحلقة الرابعة عشر.
بقلم طارق اللبيب📚



قبل 17 سنة تقريبا .. كان الفاضل قمبور .. والد
كمال كان سواق سايق دفار بتاع شحن ..
الفاضل قال انو .. يوم بالليل ﻻقي ليهو بت في مقتبل
العمر ماشة بالليل في حتة مقطوعة والشوارع فاضية ..
وقف العربية وسألها .. انتي منو قالت ليهو مريم . قال
ليها جاية من وين قالت ليهو جاية من الجنة .. وماشة
وين قالت ليهو ماشة جهنم .. عرف انو البت دي مخها
ماتمام قال ليها اركبي ..
ركبت مشى بيها على اقرب مركز شرطة .. وبقى يتكلم
معاها .. قلتي لي اسمك منو .. قالت ليهو نفيسة ..
قال ليها قبل شوية موش قلتي مريم؟ مالك غيرتي
اسمك سريع كدا؟ ..
طيب هسي اقول ليك مريم وﻻ نفيسة؟ . قالت ليهو
ﻻﻻ .. انا اسمي ماكدا .. بس ما متذكراهو كويس ..
بجيني وبروح ..
اهلك وين؟؟ .. ماعرفت اهلها .. ابوك؟ . اي عنوان
ليكم؟؟ برضو ماعرفت ..
المهم وصﻼ للشرطة .. وسلمهم ليها ووطلب منهم
يكتب اقرار .. وكدا .. وعنوانو وبياناتو .. قالو ليهو
يازول مامشكلة .. نحن بنلقى اهلها .. انت بس امشي
خﻼص ..
اها يازول الزول ده .. حسى بالعساكر نظرتهم للبت ما
طبيعية .. البت ماواعيه .. ودايرين يخارجوهو بس ..
البت سمحة ونضيفة اصلو مابتقول عيانه .. وهم تﻼتة
شباب .. وشكلهم كدا معلمين في الصياعة .. قالو
ليهو خﻼص انت امشي .. سلمتنا البت وهي في يد امينة
.
مشى دور العربية وطلع .. ما مشى كيلو .. قلبه اكلو
شديد .. وقال انا اﻻ ارجع اشوف الحاصل علي البت
دي .. مابفوتها مع الناس ديل شكلهم ذئاب بشرية ..
لمن جا راجع لقى البت مافي .. وفي اتنين بس من
العساكر .. التالت فيهم مافيش ..
مشى طوالي يفتش للبت جوه المركز .. والعسكريين
ديل بكوركو فيهو يازول ثابت ماشي وين؟
اصلو ابا يسمع كﻼمهم .. سمع حركة في مكتب لزا
الباب .. لقى العسكري بتصرف تصرفات ما كويسه مع
البت .. والبت بتدفر فيهو كدا ومتضايفة وبتبكي .. بس
مالحق يأذيها يعني ..
اها يازول الفاضل مسك البت .. وجراها من يدها .. وقال
ليها يﻼ انا بسوقك معاي البيت ..
المكان ده هنا ما امان .. العسكري اتهاوش معاهو ..
وداير يكفتو .. بس الفاضل شال الكرسي بتاع الحديد ..
وطقه بيهو العسكري .. ضربة واحدة .. اصابه في
مقتل .. العسكري وقع ميت مباشرة .. في اقل من
عشرة ثوان ..
العسكريين البرة .. لمن جو عشان يحلو المشكلة .. لقو
زميلهم ميت .. ماعارف اﻻخرهم بره شنو؟؟
الفاضل سلم ليهم نفسو .. طوااالي
دي اﻻقوال الحكاها الفاضل للمتحري ..
لكن اقوال العسكريين اﻻتنين مختلفة تماما ..
قالو نحن قبضنا الزول ده مع البت دي .. في دفارو ..
وجيناهو هنا .. بي دفارو.. ولمن بنحقق معاهو قعد يقل
في ادبو .. وعمل مقاومة .. وضرب المرحوم بالكرسي ..
اها القاضي لمن سأل البت.. البت قالت نفس اقوال
الفاضل .. لكن القاضي رفض يعتمد كﻼمها .. ﻻنها غير
مكلفة واقوالها كانت متضاربة .. بس كانت بتتكلم بي
غضب عن العسكري .. واهلها مصدقين الفاضل ..
لدرجة انهم شكروهو لي حفظ عرض بنتهم .. لكن
القانون عنده عنده فهم اخر ..
المهم في النهاية الفاضل حكمو عليهو باﻻعدام .. بتهمة
القتل العمد
المادة 130 . واتنفذ فيهو الحكم ..
بس المشكلة في سمعتو .. في ناس مصدقين كﻼمو
واقوالو .. وفي ناس صدقو كﻼم العساكر ﻻنهم اتنين
.. وفي النهاية الله اعلم بالحقيقة ..
سمعنا قالو الفال ده اخر كﻼم قالو للناس .. قال انا
مادام حفظت شرف البت المسكينة .. كونه يحكمو علي
باﻻعدام .. ده شرف لي .. وبعتبرها شهادة في سبيل
الله ..
وعلي الطﻼق لو العسكري ده تاني قام .. ومد يدو على
البت .. انا تاني اقتله ..
قصة الفاضل قصة طويلة ومعقدة .. محتاجة لرواية
كاملة بس انا اختصرتها هنا لﻼشارة ..
المرحوم الفاضل عنده ولد وبت .. الولد ياهو كمال ده ..
ابوهو لمن مات خﻼهو شافع .. والبت اصغر منه .. رباهم
عمهم الكبير .. وكان بصرف عليهم لمن شالو حيلهم ..
البت هسي متزوجة ماشاء الله وعندها طفل .. وكمال
شغال مقاول بنيان .. .. في امان الله ووضعه مابطال
.. ساكن في بيت ابوهو حدادي مدادي مع امه ..
اها يازول هسي كمال متحسس من الموضوع ده .. وكل
مايمشي مجلس بحس بالكﻼم في عيون .. ماعارف يا اما
حقيقة الناس لسه متهمين المرحوم .. وﻻ نفسيات من
كمال بس ..
على كل حال .. في المجتمعات الزي دي .. قتل النفس ده
بعتبروهو لعنة .. يعني لو ابوك كاتل روح .. مافي زول
بزوجك باخوي واخوك .. حاجة كدا متأصلة فيهم ..
بغض النظر عن القتل ده كان بحق .. وﻻبغير حق ..
. اسامة قال ليهو ياكمال .انت بس قول باسم الله
واتقدم .. قال ليهو اتقدم كيف قبل ما اعرف راي
البت؟؟ احتمال ماعايزاني ..
اسامة قال ليهو طيب تمام .. انا بكلم ليك قناة الجزيرة
بتاعتي .. تمشي تحكي ليها وتشوف ردة فعلها رايك
شنو؟
قال ليهو انت قاصد منو سمية ؟ والله يكون تمام ..
على اﻻقل نعرف رد البت ..
بعدين تواجهنا مشكلة ابوها .. والناس البتخاسسو
ويقولو عايز يعرس بتو لزول ابوهو كاتل روح ..
قال ليهو بس كدي اصبر .. يعني انت ح تقعد كدا
لمتين .. خليهم يقولو ياخ .. الزمن ده هم غير القوايل
عندهم شنو؟ ..
اسامة مشى البيت .. طوالي سمية جاتو .. قالت ليهو
والله انا اسفة يا اسامة .. انا ماعارفة قدر ما اقول اصبر
على خشمي ده .. بغلبني .. لكن تاني بس خشمي
وعندي ..
قال ليها ما مشكلة .. بس هسي انا دايرك في خدمة
.. قالت ليهو قول
عيوني ليك .. حكي ليها رغبة كمال .. وقال ليها امشي
لي هنادي واتشمشمي منها من بعيد لبعيد ..
شوفي رايها في كمال شنو؟ لو لقيتيها مرتاحة للفكرة
.. طوالي أساليها .. وقولي ليها رسلني ليك عديل .
قالت ليهو ماتشيل هم .. انا عندي افكار تقنع الجان
ذاتو.. طوالي قامت لبست توبها واتبلمت ومرقت ..
الكﻼم ده يوم الخميس العصرية ..
شوف بالله اﻻحداث دي متسارعة كيف ..
مشت لي ناس هنادي .. لقت هنادي معاها ابوها قاعدين
في الضل.. ابوها قاعد فوق سرير.. وهي قاعدة في
اﻻرض بتضفر ليهو في رجليهو ..
سلمت.. ودخلت جوة.. لقت منى رابطة راسها .. قالت
ليها هي كفارة ياست البنات . الحاصل عليك شنو؟
طبعا انتي ﻻبتجي القهوة وﻻزولة قعدات .. متفلهمة
وماقاعدة في الواطة عشان كدا مابنفقدك ..
والمشاكل الحاصلة كلها ماعندك فيها دور ..
قالت ليها مشاكل شنو يا سمية؟ ياكافي البﻼ .. انا
اصﻼ خرافاتكن
وقواﻻتكن دي بتجيب لي النفسيات .. عشان كدا مابحب
القعاد معاكم ..
بس سمية بدت تحكي لي منى ..بالتفاصل . والمشاهد
..
ومنى طبعا اول مرة تسمع بالكﻼم ده .. ﻻنو هنادي
ماحكت ﻻمها اي شي .. عارفين ليه .. منى زولة صعبة
وحمقاء .. وممكن تولع الحلة دي في لحظة ..
حكت ليها بالتفصيل الممل .. الخبر اﻻنتشر في هنادي و
حكاية المشكلة بتاعة العازة وام الحسين في نكران
الكﻼم .. وقصة التلفونات .. ورسايل ليمياء .. ماااخلت
ليها شي لي ورا ..
قالت ليها ده كلو اتقال في بتي وانا ماعارفة .. والصداع
زاد عليها
وقعدت تبكي .. وكوركت لي هنادي .. هنادي حست
انو سمية ح تكون حكت ﻻمها القوايل دي .. قالت
ﻻبوها ابوي قوم تعال.. امي دي كوركتها دي ما طبيعية
..
طبعا سمية لمن شافت انزعاج منى ..ندمت ندامة شديدة
انها حكت الكﻼم .. ﻻنها كدا بتكون بوظت الموضوع
الجاية من اجله ..
جات هنادي وابوها داخيلن على منى .. منى قالت ليها
ياهنادي ده كﻼم شنو البتقول فيهو سمية ده؟ صحي
انتي الباقر وامو قايلين فوقك كﻼم وانتي ما قلتي لي؟
قالت ليها ﻻﻻ يا امي .. ده كﻼم فارع ساي مألفاهو
العازة .. وام الحسين وقفتها في حدها ..
سمية هنا اتلفتت على هنادي .. قالت ليها ياحليلك يا
النايمة على حيلك .. امشي أسالي اسامة راجلي وﻻكمال
.. قولي ليهو الباقر ماكان بفتش في تلفونات اﻻوﻻد ..
عشان يلقى رسايلك فيها .. ﻻنو سامع عنك كﻼم
ماكويس .. وفي فتاشتو لقى رسايل اﻻوﻻد مع اختو ..
واخوها الكبير ضربها كان داير يكتلها .. انتي وين يا
المسكينة ؟
العازة مصلحتها شنو تكضب فيك؟ .. دي المراة
المطموسة دي عايزة تبرر لي ولدها خﻼك ليه ..
طبعا ادريس يسمع في الكﻼم .. وبس شغال حسبي
الله وونعم الوكيل ..
يا منى انتي اول من تقومي من عياك ده بالسﻼمة . انا
ح اسوقكم من الحلة دي .. ونرحل نشوف لينا بلد .. تاني
هنا ماعندنا قعدة ..
سمية قالت ليهو هي يا الحاج قول بسم الله .. كﻼم
الناس قاعد في اي محل .. الناس ياها الناس ..
هنادي قالت ﻻبوها كﻼم صح يا ابوي .. طوالي ترحلنا من
هنا .. ان شاء الله نمشي نأجر ..
منى قالت ليهو انا ما بتحرك من هنا .. اﻻ أوصل الكﻼم
ده لي حدو ..
والله كان ام الحسين كان العازة .. انا ﻻزم اعرف الكﻼم
ده جاي من وين .. اما مسخرة وقلة ادب بتاعة حريم ..
منو هي البتشبه هنادي بتي؟؟ قولي ليهن والله والله ..
هنادي بتي مافيكن مراة بتلدها .. هنادي المن الله
خلقها .. ماحابت ليها سيرة زول ﻻبسمح وﻻبي كعب ..
هنادي انا ممكن اختها وسط عشرة رجال .. وامشي وانا
مطمنة عليها .. ﻻنها ارجل من الرجال . فاهمة وﻻ ازيدك
في الكﻼم ..
سمية قالت ليها انحن كلنا عارفين هنادي .. والحلة
كلها عارفاها .. ديل ناس حاقدين ساي .. مافي داعي
تقومي في الكﻼم ده يامنى وتندميني على جيتي ليكم ..
منى عاينت لي راجلها كدا وقالت ليهو قلت شنو؟
نرحـــل ؟ نرحل وين؟
عشان يقولو الكﻼم حرقهم .. وبقى ماعندهم وش يقعدو
في الحلة؟
والله من هنا مابنمشي .. يرحلو هم .. وبرحلهم ليك انا ..
اصبر لي النقوم على حيلي .. نسوان ماعندهن شغلة غير
النسنة والقوالة ..
كمان هسي جابت ليها رجال .. رجال يفتشو في
التلفونات عشان يشوفي رسايل بتي مع اﻻوﻻد سبحان
الله ..
هنادي قالت ليها رجال شنو يا امي .. ؟ قالت ليها
ماياهدي سمية قالت قدامك .. الباقر وكمال واسامة
راجلها .. بفتشو في التلفونات عشان يشوفو رسايلك
مع اﻻوﻻد؟
ديل رجال ديل عليك الله؟
سمية قالت ليها انا راجلي مافيهو كلمة .. وعمل كدا
عشان يبرء ليك بتك.. وفي النهاية طلعت بريئة ..
غايتو سمية بوظت الدنيا وقعدت .. بي سبب لسانها
الخفيف وقوايﻼ الباقية ليها مرضة .. ربنا يجيب العواقب
طيبة ..
الى اللقاء فى الحلقة الخامسة عشر.


 
 توقيع :



تعجز كل مفردات الشكر والإجلال للرائعة صاحبة الذوق العالي رؤى


رد مع اقتباس
قديم 05-06-2018, 08:37 AM   #15
الادارة



الصورة الرمزية يوسف مدير
يوسف مدير غير متصل

بيانات اضافيه [ + ]
 رقم العضوية : 11520
 تاريخ التسجيل :  Jul 2011
 أخر زيارة : اليوم (10:15 AM)
 المشاركات : 8,564 [ + ]
 التقييم :  5203
 الدولهـ
Sudan
 الجنس ~
Male
 SMS ~
1000
لوني المفضل : Blue
افتراضي



📚طارق اللبيب
صراحة مدعومة
الحلقة الخامسة عشر
بقلم طارق اللبيب📚





هنادي اتدخلت .. قالت ﻻمها يا امي عليك الله روقي
شوية خلينا ن فهم الحاصل منها برواقة ..
سمية بقت تحكي .. قالت ليها انا لمن كلمت راجلي
بالكﻼم .. الجابتو العازة .. زعل ودافع عنك وقال قال
قال .. والله معاهو كمال ودخالتو طلعو ماهدأو وﻻ رجعو
اﻻ لمن لقوك بريئة .. والكان شاكي اكتر حاجة الباقر ..
وهم اﻻتنين ديل دايرين يقنعوهو .. ابا يقتنع لمن جاهو
الدليل .. والحمد لله ظهر الحق ..
قالت ليها عشان كدا .. هسي الباقر رسل اختو .. داير
يرجع لي ؟ طيب زمان كان براسلني ليه ياربي .. مادام انا
كدا؟
شفت يا ابوي الزول ده وخساستو؟ .. يعني كان
براسلني في اﻻول .. ماعايز عرس .. ولمن الموضوع بقى
عرس .. خﻼني .. ولمن ظهر ظنوا ماصح رجع لي ..
سبحان الله ..
تمام ياسمية فهمنا الحاصل .. مافي مشكلة .. انا اصﻼ
عارفة انو اسامة وكمال ناس محترمين .. وبتعاملو معاي
باﻻحترام .. مستحيل يظنوا فيني كعب .. ديل بعرفهم انا
..
امها قالت ليها .. اها ح تسكتي لللباقر وامه .. في
اشاعاتهم البعملو فيها دي ؟ قالت ليها انا خليتهم لي
الله .. وربنا اقوى مني ومنك .. مافي داعي اعمل لي
قﻼقل ومشاكل .. بي سبب كﻼم فاضي واهلو ناكرنو
..
منى قالت ليها انا مابسكت .. انا مابخليهم ..
هنا سمية قالت ليهن.. انا بمشي بجيكم وكت تاني ان
شاء الله ..
هنادي قالت ليها بي سبب القوايل .. ما اديناك حاجة
تشربيها .. اعفي لينا ياسمية ..
قالت ليها ده كﻼم شنو ياهنادي؟ البيت ده بيتي ..
وانا ماضيفة عندكم هنا ..
سمية طلعت وهنادي وصلت معاها الباب تقدمها ..
قالت ليها يا هنادي .. انا كنت دايراك في موضوع كدا
برانا .. وريني فاضية متين عشان اجيك راجعة .. قالت
ليها .. في اي وقت .. الصبااحية بكون فاضية ..
كدي هسي خليني امشي اهدي الحجة الولعتيها ل لي دي
.. سمية قعدت تتأسف .. وتعتذر هنادي قالت ليها
انتي غايتو خشمك ده اﻻ يخيتوهو ليك .. لكن يازولة
ماتشيلي هم .. انا بعالج الموضوع . اعجبني ‏(اصرار سمية
على النجاح بعد الفشل‏)
سمية لمن رجعت لي بيتها مالقت زوجها .. انتظرتو لمن
جا ... وماسألته قالت انت كنت وين .. مع انها دايما
بتٍسألو السؤال ده ..
بس قالت ليهو انا مشيت لي ناس هنادي .. ومالقيت
لي معاها طريقة .. امها وابوها ﻻصقين فيها .. لكن
فتحت ليها اضانها ..
قلت ليها عايزاك في موضوع ..
متى ما القى وكت بمشي ليها ..
قال ليها يازولة متى ماتمشي ليها امشي ليها ..
بالتوفيق والله انا كمال متمنيها ليهو ويستاهﻼ ..
سمية قالت ليهو والله فعﻼ البت دي ذاتها بعد كدا ..
المفروض تتزوج عشان انت شكرك ليها كتر شديد ..
عاين ليها كدا وبسم .. قال ليها يعني كبرت؟ ..
قالت ليهو خﻼص فكنا من سيرتها .
وبرضو مأسألتو كان وين .
طبعا البلد بيغادي مقلبوبة .. وسمية ماعندها خبر ..
وراجﻼ طبعا اصلو مابكلمها باﻻخبار .. ﻻنو عارفها اذاعة ..
طبعا البلد ماﻻ مقلوبة؟ الحاصل فيها شنو؟ .. بي
اختصار طبعا حسين اخو الباقر الكبير .. لمن مشى يفتش
لي ياسر .. وﻻقاهو وكان حسين شايل عصاية .. كان
ضربوا بيها الفيل يقع .. قال ليهو البخليك تراسل اختي
شنو؟ انا قاعد اراسل اخواتك؟ حصل يوم .. رفعت عيني
علي امك وﻻ خاﻻتك؟
قال ليهو ماحصل والله .. ﻻهي رسلت لي وﻻ انا رسلت
ليها ..
هاك التلفون شوفو .. شال منو التلفون .. وفتح
الرسايل وفتش ومالقى رسايل من اختو .. وجاء راجع تاني
للباقر .. وكان داير يلطشو .. وقال ليهو انت كذاب ..
والباقر اصر يرسلو لي ناس اسامة وكمال .. ﻻنهم قروا
الرسايل ..
ورسلو لي اسامة وكمال ..اسامة قال فعﻼ الرسايل
كانت موجودة ومسحناها انا وكمال .. مراعاة للسترة ..
البت غلطانة ونحن مافي داعي نخلي الرسايل في تلفون
الولد .. ﻻنو ما معروف يقع في يد منو
..
حاج عمر قال ليهم .. انتو السبب البخليكم تفتشو
تلفونات الناس شنو؟
كمال قال ليهو .. والله ياعمي عمر .. الباقر كان شاكي
في هنادي .. وبفتش في تلفونات اﻻوﻻد .. عشان يلقى
ليها دليل . وحصل انو صادف رسايل ليميا ده كل
الحصل .. بس ياعمي يعني رسايل ليمياء .. مافي شي
صعبه شديد ..
يعني انا متأكد انها ماعملت حاجة كعبة .. ياها الونسة
.. لكن برضو غلط .. بس ما في داعي الناس تنفعل
اكتر من الﻼزم ..
وممكن تداركو الموضوع .. ﻻنو كل ما الموضوع ده
يتشعب مافي مصلحة البت .. في النهاية الناس
بتصدق كل البتقال .. صح كان كضب .. والناس بظنو
اسوء الظنون .. والناس بزيدو الكﻼم .. عمك حاج عمر
قال ليهو صدقت والله .. بس كنا عايزين نتأكد من
الموضوع .. وتاني خﻼص ما ح نفتحه ..
ليمياء لمن خﻼص حالها انكشف .. قالت علي وعلى
اعدائي ..
قامت .. فضحت الباقر فضيحة نكراء .. قدام ابوهو ..
وحكت ليهو الحقايق .. انو هنادي اصﻼ مارفضت الباقر
..والباقر هو الرسل ليها رسالة .. عشان سامع عنها كﻼم
ما كويس ..
المهم يازول بي اختصار .. بعد المشكلة اتشعبت ..
والحقايق كلها اتعرفت ... واتعرف انو الباقر اتهم هنادي
قدام امو .. وامو نقلت الكﻼم للعازة والعازة نقلتو
القهوة ..
حاج عمر قرب يغمى عليه .. من الكوارث البسمع فيها ..
قال للباقر انت عارف انك زول ملعون .. وقلبك وسخان
.. والحمد لله انك ظهرت على حقيقتك من هسي ..
عشان البت المسكينة ديك ماتقع فيك .. والله ربنا
بحبها .. نجاها منك وطلعت من حياتها قبل ماتدخل فيها
..
تتذكر انا قلت ليك انت مابتستحقها .. كﻼمي مشى وجا
طلع صاح .. الحمد لله على ما اراد الله .. اسمع ياحسين
زي ما قال كمال .. الموضوع ده اكتلو هنا .. اخوك
واختك اﻻتنين الفيهم اتعرفت .. الله يعوضني فيك
انت ..
الباقر ورقة واتحرقت .. بي سبب قلبو اﻻسود ولعبه
بعروض الناس ..
اها يازول كمال واسامة رجعو ..
و هدا المكان الكان فيهو اسامة وما حكى لي سمية ..
سمية اليوم كلو ساكتة .. ومابتتكلم وهي خايفة من
ردة الفعل الحصلت لي منى .. وخايفة الموضوع يبوظ
بالسبب ده.. واصﻼ ماكلمت راجﻼ بالموضوع .. واليوم
داك كلو ماجابت ليها سيرة زول .. ﻻمن اسامة
استغرب فيها ..
صبحت الجمعة .. والحلة دي تحس بيها فيها التهاب ..
من شدة اﻻخبار .. والشمارات والقواﻻت الملعونة .. من
الصباح اسامة قال لي لي مراتو سمية .. انتي امبارح
ماﻻقيتي شروق عند ناس هنادي؟
قالت ليهو ابدا .. قال ليها لسع هم صاحبات صح؟
قالت ليهو مابعرف .. تاني ماتسألني من زول .. انا تاني
حلفت ما اجيب سيرة زول بي خشمي ده .. قعد يضحك
قال ليها الحمد لله .. والله دي كرامة .. المفروض نضبح
ليها خروف ..
لكن ده مرض قولي ربنا يشفيك .. قالت ليهو ربنا
شفاني ياخوي .. تاني لو سمعتني جبت سيرة زول.. بس
اكفتني فوق خشمي ده .. حلفتك بي الله ..
اصرار سمية علي التخلي عن النميمة يكلل بالنجاح ..
اسامة قال ليها والله ده اصرار شديد .. انا هسي
سألتك من شروق .. عشان داير اقول ليك .. وسطيها
لي هنادي.. لو غلبك البتسويهو .. ﻻنها صاحبتها ..
وبتقدر تعرف مداخلها اكتر منك ..
قالت ليهو والله كﻼمك ده صح مية المية .. دقيقة
هسي النكورك لي شادية خالتا .. تضرب ليها تجيني ..
طبعا ناس اسامة جيران شادية خالة شروق طوالي ..
كوركت ليها بالحيطة .. وقالت ليها انا عايزة شروق
وتلفونها مامعاي .. اضربي ليها تجيني ..
شادية قالت ليها داير بيها شنو؟ اها في شمار تاني
وﻻشي؟
قالت ليها مافي اي حاجة .. دايراها في حاجة سرية ..
قالت ليها متين انتي بتدسي علي حاجة؟ .. قالت ليها
لمن اخلص من الموضوع بحكي ليك ..
‏( اخيرا سمية تنجح في المقدرة على الكتمان ‏) هه
شادية قالت ليها خير ياستي .. شادية ضربت لشروق
وشروق جات لي سمية .. وهي متوجسة ﻻنها عارفة
سمية بتاعات قواﻻت وشمارات ..
سمية قالت ليها الكﻼم فيهو وفيهو .. وكمال قال عايز
هنادي .. وعايز يعرف رايها قبل ما ياخد اي خطوة ..
قالت ليها والله يا سمية .. بي صراحة انتي مابتتصدقي
.. وهسي انا اقوم لي في كﻼم .. بعدين اكتشف انك
شايﻼهو غلط .. او زايدة عليهو ..
قالت ليها طيب .. لحظة انادي ليك اسامة راجلي ..
يقول ليك براهو ..
المهم اسامة جاء .. واتكلم مع شروق .. وشرح ليها رغبة
كيمو في هنادي ..
وشروق قالت ليهو والله يا اسامة طبعا هنادي هسي ..
نفسياتها في الواطة .. بي سبب القوايل والصواطة الفي
الحلة دي ..
لكن انا غايتو بعمل البقدر عليهو .. قول ان شاء الله ربنا
يهدي سرها..
قال ليها هي لو وافقت ليك.. نحن تاني بنمشي ﻻبوها
نشوف رايو .. قالت ليهو اقول لي حاجة.. هنادي لو
عطست بتكلم ابوها .. عشان كدا ما ح تديني راي .. اﻻ
تكلم ابوها وتشوف رايو .. فشنو انا لو جيتكم بموافقة
.. معناها موافقة منها ومن ابوها ..
المهم يازول شروق اتوكلت على الله .. ومشت لي
هنادي .. وبقت تحكي ليها عن كمال ..
قالت ليها .. طبعا ياهنادي اسامة وكمال ود خالتو ديل
الموقف الوقفوهو معاك ده .. ما اي زول بعملو ..
قالت ليها والله صح ي .. اخي ديل ناس اصيلين .. والله
من سكنت جنبهم هنا .. ماحصل سمعت منهم كلمة
شينة .. ياخي سمية دي موش نضامة .. وخشمها
خفيف .. والله بتريدني ريدة ظاهرة فوق وشها ..
قالت ليها هسي ياهنادي لو .. كمال ده اتقدم لي انا
.. اقبل بيهو؟ قالت ليها .
ياسﻼااام .. والله يكون ده يوم المنى .. ياخي ولد مهذب
وراقي لدرجة .. ان شاء الله يسويها عليك الله ..
قالت ليها يعني هسي لو اتقدم ليك انتي دي ..
بتقبلي بيهو؟ هنادي عاينت ليها كدا .. وقالت ليها ..
انتي قصدك شنو يا شروق ؟ .. انا بعرفك لمن تقعدي
تلفي وتدوري ..
قالت ليها بصراحة يا هنادي .. كمال ده قال عايزك ..
قالت ليها عايزني انا ؟؟ انا ياحليلي .. مافي زول دايرني
بس يغشو فيني ناس الباقر .. ولمن تجي للجد يزوغو ..
زي نوع كمال ده وﻻبفكر فيني .. عشان كدا عليك الله
ياشروق ماتغشيني ساي .. الحصل شنو؟ عشان اعرف
ليك الموضوع ده نافع وﻻﻻ ..
قالت ليها والله مابغشك .. والله كلمني اسامة بي
خشمو .. وقال لي اشوف رايك .. اها انتي رايك في
كمال شنو ؟عشان هو منتظر ردك ..
قالت ليها بالجد؟؟ انتي جادة يا شوشو ؟
قالت ليها يابت انتي متخلفة ؟ انا بحلف ليك بالله
يعني كيف اكضب؟ ..
قالت ليها والله كمال مافيهو كلمة .. واي واحدة غيري
تتمناهو .. خلي كمال .. انا لو اتقدم لي اي زول .. في
الوكت ده .. بقبل بيهو .. عشان اوري ليك الباقر ده
.. اني انا ما بايرة وﻻ رخيصة ..
لكن لو لي كمال.. والله مافيهو كﻼم .. بس انتي
ماتقولي ليهو هنادي موافقة .. ادوني فرصة افكر ..
واكلم ابوي اشوف رايو .. حتن بعداك اديكم الراي اﻻخير
..
قالت ليها انا كنت عارفة كدا .. عشان كدا عايزاك
تسألي ابوك طوالي .. ﻻنو انتي عارفة انو احتمال ابوك
يرفض .. عشان تاريخ اﻻسرة .. ومشكلة ابوهو الله
يرحمه .. انتي عارفاها صح؟ ..
الى اللقاء فى الحلقة السادسة عشر والأخيرة.


 
 توقيع :



تعجز كل مفردات الشكر والإجلال للرائعة صاحبة الذوق العالي رؤى


رد مع اقتباس
قديم 07-06-2018, 08:36 AM   #16
الادارة



الصورة الرمزية يوسف مدير
يوسف مدير غير متصل

بيانات اضافيه [ + ]
 رقم العضوية : 11520
 تاريخ التسجيل :  Jul 2011
 أخر زيارة : اليوم (10:15 AM)
 المشاركات : 8,564 [ + ]
 التقييم :  5203
 الدولهـ
Sudan
 الجنس ~
Male
 SMS ~
1000
لوني المفضل : Blue
افتراضي



ض سجل التعديل
طارق اللبيب
صراحة مدعومة
الحلقة 16 اﻻخيرة
بقلم طارق اللبيب .
هنادي قالت ليها عارفاها قصتو .. ابوي حكاها لي
بالتفاصيل .. لكن كمال ذنبو شنو؟ معقول ابوي ممكن
يرفض للسبب ده ؟ انا ماشايفة ده سبب مقنع .. كل
نفس بماكسبت رهينة .. وﻻشنو يا شروق؟ .. قالت ليها
صاح لكن مجتمعنا ده بفهم ليك كدا؟
قالت ليها كدي اشوف راي ابوي .. ابوي عارف اﻻمور
دي اكتر مني .. لكن لو وافق .. انا بكون لقيت اﻻنسان
الفعﻼ بتمناهو والله .
شروق قالت ليها خﻼص .. الشي البقولو ليك ابوك
كلميني .. وطلعت منها سريع .. عمك ادريس مافي ..
هنادي لقت امها رايقة كدا والصداع خف منها .. جات
قعدت جنبها قالت ليها .. كيف الليلة يا امي؟ شكلك
كويسة ماشاء الله ..
قالت ليها كويسة لكن المغسة كاتﻼني .. انا لو
مامشيت طربقت الدنيا فوق راس الباقر وامه .. قلبي
ماببرد .. قالت ليها يا امي
انتي موش ماشة عشاني انا؟ انا ماعايزه اثير المشكلة
دي تاني .
قالو يا امي الداير تكملو هملو .. والداير تهري اسكت
خلي ..
ودا راي ابوي . انتي بس زي الكانك ماسمعتي ..
والكﻼم ده ما أثر فيني اصﻼ .. وانا هسي مبسوطة ..
وعايز احكي ليك كﻼم .. باسطني شديد .. ماعايزة
تتبسطي معاي ؟
قالت ليها اها احكي ..
قالت ليها شروق هسي لمن جاتني قالت قالت ..
واتكلم معاها اسامة شخصيا .
قالت ليها .. والله كمال مافيهو كﻼم .. لكن طبعا
المشكلة ..
هنادي قالت ليها المشكلة الزماااان حقة ابوهو صح؟
قالت ليها ايوة .. قالت ليها يا امي انا ماعندي مشكلة
في الحكاية دي .. انا عايزاهو .. مالي ومال ابوهو
المات ليهو 17 سنة ..
قالت ليها لكن ياهنادي الناس مابريحونا ..
قالت ليها الناس حريقة فيهم .. انا تاني ماشغالة بي
كﻼم الناس .. كدي انتي انا بٍسألك سؤال . لو ابوك
زمان حصل ليهو كدا .. برضو الناس المفروض يبعدو
منك عشان ابوك؟
انا يا امي انا عايزاك تقيفي معاي .. وتتكلمي مع
ابوي .. انا خايفة ابوي يرفض .. قالت ليها والله انا
ذاتي الموضوع ده ما مرتاحة ليهو .. خليهو ابوك .. لكن
بكلمو ..
اها لمن عمك ادريس جاء .. هنادي قالت لي امها يهدا
ابوي جاء كلميهو . قالت ليها خﻼص كويس بعدين ..
وبعدين جات .. وابت تكلمو .. وباكر ما كلمتو ..
ماعارف منى فهمها شنو في التاخير ده ..
هنادي استعجلت الموضوع .. وقعدت ابوها وحكت ليهو
الحاصل بالتفصيل .. قبل مايرد . جات منى وقالت ليهو
.. غايتو يا ادريس الناس مابريحونا ..
قالت ليها دقيقة يامنى .. قبل على هنادي وقال ليها
.. انا طبعا قبل كدا حكيت ليك بالحصل مع ابوهو ..
انتي متذكرة ؟
قالت ليهو متذكرة .. قال ليها اها رايك شنو؟
قالت ليهو يا ابوي انا ماعندي مشكلة في حكاية ابوهو
..
قال ليها بتقدري تواجهي كﻼمات الناس .. وتدافعي عن
موقفك؟
قالت ليهو ايوة بقدر ..
منى هنا اتدخلت .. وقالت ليهو خليهم الناس .. نحن
ذاتنا كيف نقبل بنتنا تتزوج زول ابوهو قاتل روح؟ ..
ادريس قال ليها يامنى انا بقول ليك كﻼم .. ربنا في
كتابو قال .. وﻻتزر وازرة وزر اخرى .. وكل انسان
الزمناهو طائره في عنقه ..
مشكلة الوالد ﻻتقدح في سلوك الولد ..
عارفة يامنى نحن لو اشتغلنا بي رايك ده .. حيكون
عندنا راي في سيدنا ابراهيم عليه السﻼم .. اقول ليك
كيف .. سيدنا ابراهيم ابوهو كافر عديل .. خلي ده
اﻻبوهو مسلم ..
وهنادي تعاين ﻻبوها مبسوطة تتبسم .. وابوها يتكلم ..
قال ليها بعدين يامنى .. ده راجل مات وهو بدافع عن
شرف انسانة
مابعرفها .. عليك الله في شهامة اكتر من كدا؟
المرحوم ده بحكم معرفتي بيهو اللصيقة والجوار .. مات
شهيد ومظلوم الله .. بعدين فرضنا انو قتل ليهو زول
كدا ساااي عنترية .. موش اتنفذ فيهو حكم اﻻعدام ..
يبقى تاني ماعليهو ذنب ﻻن الحد لمن يقام على
اﻻنسان بيسقط عنه العقوبة في اﻻخرة ..
منى قالت ليهو .. طيب وكﻼم الناس؟ .. عاين ليها كدا
وبسم .. وقال ليها .. اسمعي يامني .. انا رغبة بنتي
عندي اهم من الدنيا دي كلها ..
انا معاك يا هنادي .. بس انتي اقنعي امك دي .. ﻻنو
الكﻼم البتقول فيهو ده كﻼم جهل ..
والله كمال رجل والرجال اقله .. والله انا بعرفو من
شافع .. كفاية انو هو من طفل مسك مكان ابوهو ..
وعاش امه واخته .. و مامدا يدو لي راجل .. بداها من
طلبة في البنيان .. لغاية مابقى مابقى مقاول يمسك
بيوت بالمﻼيين
وعرس ﻻخته .. وبار بامه .. وصﻼتو في مواعيدها ..
انتي يامنى قولي الحمد لله .. انو ربنا أنقذ هنادي من
الباقر .. اﻻنتي عارفاهو وانا عارفو ..
وقام علي حيلو مشى .. هنادي قامت جارية ﻻحقاهو ..
ومسكت يدو وقبلتها .. وقالت ليهو دايما داعمني ..
وواقف معاي الله يخليك لي دايما سند ..
قال ليها وانتي تستاهلي .. ﻻنك ماحصل دسيتي علي
حاجة .. كل اسرارك بتديني ليها بكل ثقة وامان ..
وصراحتك معاي هي راس مالي والله ياهنادي ..
هنادي جات ﻻمها .. امها تتبسم وتعاين ليها مع ابوها
.. قالت ليها اها يا امي شفتي راجلك ده عسل كيف ؟
خليك زيو ياخ ..
قالت ليها يازولة مادام اتفقتو اﻻتنين .. ان شاء الله
ربنا يسعدك ويتم ليك على خير .. انا دايرة شنو غير
سعادتك وراحتك؟
اها تاني ابوك بلقا ليهو نجارة وين .. تساعدو بعد
العرس .. قالت ليها ..
هوووي انا نجارتي مابخليها .. شرط اساسي .. كمال
يخليني اواصل في شغلي .. لو رفض انا ماعايزاهو ..
امها ضحكت .. ووقالت ليها نتي مجنونة صدقي .. يابت
نجارة شنو بعد العرس ؟
المهم يازول هنادي كلمت شروق .. وشروق فرحت جدا
.. ومشت كلمت اسامة .. واسامة بعد كم يوم .. جاب
كمال وخيﻼنو واعمامو والناس المقربين ليهو .. وجو
ﻻدريس في البيت وطلبو هنادي وادوهم ليها ..
وتاني يوم الخبر مﻼ الساحات ..
وبي غادي . الباقر سمع بي انو كمال خطب هنادي ..
والحكاية اكلت معاهو جنبة شديد .. ﻻنو كمال صاحبو ..
وهو كان عارف انو الباقر بريدها شديد .. فالحكاية دي
ماريحت الباقر كلو كلو ..
وبقى يعمل في الفتن والقﻼقل .. بين كمال واصحابه
.. تصدق الزول ده من شدة الحقد .. بألف كﻼم من
راسو .. ويقول قال لي كمال ..
من القصص الحصلت .. مرة عندهم صاحبهم .. اسمو
منير .. منير ده عندو اخته كان كمال زمان معجب بيها
.. اسمها هيفا .. وزمان كمال لمن اتكلم مع منير ..
وقال ليهو انا عايز هيفاء بالحﻼل .. منير كلم اهلو ..
واهلو رفضو كمال .. بي نفس المشكلة بتاعة ابوهو ..
ومنير صارحو كلمو .. قال ليهو والله ياكمال اهلي
ماعندهم فيك راي .. لكن خايفين من كﻼم الناس ..
كمال قال ليهو يازول ما مشكلة .. اهلك معاهم حق
دي بتهم .. ومن حقهم يختارو ليها اختيار كويس ..
والموضوع اتعرف .. انو اهل هيفاء .. رفضو كمال
عشان مشكلة ابوهو .. ومن اليوم داك كمال مافكر
يخطب .. اﻻ لمن ظهرت قصة هنادي ..
القصة دي ليها اكتر من تﻼتة سنة ..
اها هنا الباقر استغﻼ الحكاية استغﻼل سي .. ﻻقى
منير قال ليهو انا عايز اقول ليك كﻼم سري .. بس
توعدني ماتتكلم بيهو ..
انتو موش زمان رفضتو كمال .. عشان مشكلة ابوهو ..
انت عارف كمال قال شنو .. قال هو اصﻼ اتضايق من
هيفاء .. ﻻنها بتشحدو قروش طوااالي .. وخﻼها ﻻنها
شحاده ونفسها صغيرة ..
الباقر طبعا هنا استخدم ذكاهو شديد .. ﻻنو هيفاء
مشهورة بانها بتشحد من اﻻوﻻد قروش .. ومنير عارف
الحتة دي ..
لكن طبعا الباقر ذكاهو ده .. مانفعو باي حاجة ..
منير قال ليهو اسمع يا الباقر .. انت متأكد انو كمال
قال ليك كدا ؟
قال ليهو ايوة متأكد وبحلف .. قال ليهو طيب ياحﻼف
.. انا متأكد انو كمال مستحيل يقول كﻼم زي ده
وبحلف برضو .. ﻻني بعرف كمال اكتر منك ..
الحاجة التانية .. انت من زمااان ماقلت لي الكﻼم ده
ليه ؟ جاي تقولو هسي؟؟ بعد ما كمال شلب منك
هنادي ؟
ياخي عليك الله شوف لك اهبل وغشو بي حقدك اﻻسود
ده .. الله يقلعك ..
بعدين اسمعني ؟ انت مستعد اواجهك بي كمال
وﻻبتخاف منو؟
قال ليهو مابخاف منو .. لكن الكﻼم ده بجيب كﻼمات ..
وانا مافاضي للمشاكل .. قال ليهو يﻼ عليك الله اقطع
وشك .. حتى لو كمال قال خليهو اليقول .. انا رضيان
تاني عندك شي؟ .. بس موت بي غيظك
الشلبة حارة ياحبيبي ..
الباقر مستمر في اﻻشاعات .. وكمال بجهز للزواج ..
كل مرة يسمع انو الباقر مطلع فيهو كﻼم وﻻ شغال
بيهو .. ولمن جات مواعيد الزواج دعاهو .. وقال ليهو
انا عايزك يا الباقر تبقى وزيري ..
قالو اليوم داك .. جاتو حمى من المغسه ..و مشى لي
خالتو في جبل اوليا ..
قبل يومين من العرس .. ونال مايستحق ..
وهنادي اتزوجت اﻻنسان البستحقها .. وبقوري اﻻهبل
. بقى مضحكة في الحلة .. رجع تاني يراسل في ناس
ميادة بت العازة ..
وفي النهاية اساء لسمعتو .. وسمعة اسرتو واخته ..
وهنادي نصرها الله .. بصراحتها مع ابوها .. ودعمه
لها .. وحفظ الله عرضها .. وصان شرفها .. مع انسان
مﻼئكي .. من عالم اخر ..
ودايما الخير منتصر .. والشر والفساد منهزم ..
ورواياتي هي امنياتي .. لمجتمع متعافي من كل مرض
.. اللهم ثبت الخطى وتقبل العمل .. واﻻن اضع قلمي
من الرواية السادسة والثﻼتين ..
لكم الشكروالتقدير احبتي على متابعة هذه القصة ..
تحيتي خالصة ممزوجة بالحب واﻻحترام لهذه اﻻرواح
التي تجوب بين احرفي لتنال مايجبر الخواطر وينير
الطريق ..
وحفظكم الله وسدد خططاكم وحفظ اعراضكم والسنتكم


 
 توقيع :



تعجز كل مفردات الشكر والإجلال للرائعة صاحبة الذوق العالي رؤى


رد مع اقتباس
إضافة رد

مواقع النشر (المفضلة)

الكلمات الدلالية (Tags)
مدعومة.., اللبيب, بقلم:, صراحة, طارق

أدوات الموضوع
انواع عرض الموضوع

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
يا وكيل الغافلين قصة يرويها طارق اللبيب غزال كردفان منتدى القصص والحكايات 3 26-06-2016 01:49 AM
رواية المسؤلية ....قلم طارق اللبيب BaSma منتدى القصص والحكايات 9 03-08-2014 02:31 PM
داء الثـــعـــالـــب *** رائعة طارق اللبيب (متجدد) سبارتاكوس منتدى القصص والحكايات 5 14-02-2012 01:15 AM
اللبيب والإشارة العمرابي منتدى الرياضة 1 19-11-2009 11:30 AM
صراحة ابواحمد المنتدى العام 4 22-10-2009 11:31 AM


Loading...

Powered by vBulletin® , Copyright ©2000 - 2018, Jelsoft Enterprises Ltd. TranZ By Almuhajir
Tynt Script Added by Leicester Forum
HêĽм √ 3.1 BY: ! ωαнαм ! © 2010
Protected by CBACK.de CrackerTracker

Security team

 
جميع مواد النيل الازرق من صور ومعلومات محفوظة جميع الآراء و المشاركات المنشورة تمثل وجهة نظر كاتبتها فقط , و لا تمثل بأي حال من الأحوال وجهة نظر الشبكة والمنتدى .