.:: إعلانات النيل الازرق ::.

أهلا وسهلا بك إلى منتديات النيل الازرق السودانية.
أهلا وسهلا بك زائرنا الكريم، إذا كانت هذه زيارتك الأولى للمنتدى، فيرجى التكرم بزيارة صفحة التعليمـــات، بالضغط هنا. كما يشرفنا أن تقوم بالتسجيل بالضغط هنا إذا رغبت بالمشاركة في المنتدى، أما إذا رغبت بقراءة المواضيع والإطلاع فتفضل بزيارة القسم الذي ترغب أدناه.
العودة   منتديات النيل الازرق السودانية > الاقســام الســودانيــة > الشؤون السودانية والتراث

الشؤون السودانية والتراث يهتم بكل ما يختص بالسودان وتاريخه وتراثه وقبائله وأخبار المجتمع السودانى

الإهداءات

إضافة رد
 
أدوات الموضوع انواع عرض الموضوع
قديم 08-11-2018, 06:43 PM   #1
الادارة



الصورة الرمزية يوسف مدير
يوسف مدير غير متصل

بيانات اضافيه [ + ]
 رقم العضوية : 11520
 تاريخ التسجيل :  Jul 2011
 أخر زيارة : يوم أمس (08:48 PM)
 المشاركات : 8,622 [ + ]
 التقييم :  5203
 الدولهـ
Sudan
 الجنس ~
Male
 SMS ~
1000
 اوسمتي
وسـام المشـاركـات المميـزة وسـام التواصـل المميـز 
لوني المفضل : Blue
افتراضي ام قيردون الحااااجة



*ام قيردون يا الحاجة ...*
مع اقتراب بداية فصل الشتاء، تبدأ طﻼئع هجرة الطائر الجميل اﻻنيق " أم قيردون " في الوصول بسﻼم إلى السودان، موطن هجرتها الشتوي .. هذه البﻼد الذي قال شاعرها إسماعيل حسن :
‏( حتى الطير يجيها جيعان من أطراف تقيها شبع ‏)
وهل تعلم عزيزي القاريء انها تأتي من اوربا ؟ وتقطع البحر اﻻبيض المتوسط الي الشام !! ومن الشام الي الحجاز ! ومن الحجاز للسودان !! والله ما قصرتي ابدا يا الحاجة ..
وهي فنانة ولها اسلوب متميز وفريد في الهجرة، فهي تركب علي ظهر طائر الرهو العمﻼق ‏( الجامبو ‏) وهو ينتظرها حتى تجهز ويحمل على ظهره عددا منها ويتحرك بها عابرا البحار والوهاد، وذلك يؤمن المنفعة للطرفين، ﻻنها تحفظ له الجاذبية في البحر؛ يا سبحان الله !!..
وهي من انفع الطيور للمزارع حيث تاكل الديدان والحشرات وﻻ تضر البذور والنباتات وتاتي فقط في الموسم الشتوي ثم تعود إلى أوربا مع بداية الصيف عبر الحجاز ..
اها اهلنا بقولوا ام قيردون مشت الحج وعشان كدا يسمونها الحاجة ويغني لها اﻻطفال وهي ترقص في ضل الضحي تجري وتقيف تهوزز ضنبها ..
أم قيردون ياالحاجة
في كل سنه داجه
أم قيردون ياالحاجة
ولدك وين راح ياالحاجة
شدي النواح ياالحاجة
لحدي الصباح ياالحاجة
‏( عندها تتوقف عن الرقيص حزنا علي ولدها ‏) فيغيروا لها اﻻغنية لكي فيتحول حزنها الى فرح، وتقول كلمات اﻻهزوجة :
امشي مشيك ياالحاجة
ولدك بجيك ياالحاجة
ولدك عريس ياالحاجة
تحت الدفيس ياالحاجة
بالقرمصيص ياالحاجة
ولدك بجيك ياالحاجة
من المراح ياالحاجة
فتواصل رقيصها الجميل، واهم حاجة انه يشرك لها بدودة او حشرة بشرك غير هبار، عشان تقبض حية لتربيها ﻻنها ما فيها لحم ...
ونفس الحكاية تقريباً في مناطق أخرى بالسودان، بانها تركب طير الرهو عشان يوديها مكة تحج بيت الله الحرام، وتجينا بعد كدي، وبسبب المعتقدات وفي الميثولوجيا السودانية الراسخة بهذا الكﻼم، ان شركك لو قبض أم قيردون التي تسمى ‏( القينقرد ‏) أيضا وماتت، يكون ما عندك شك ‏( إنك للكفر يومئذ أقرب من اﻹيمان ‏) ويغنوا ليها اغاني تختلف قليﻼً في مناطق أخرى من السودان مثﻼ في شمال السودان تقول اﻻهزوجة .
القينقرد ... يا الحاجّي
بت المليك ... يا الحاجّي
حج الله عليك ... يا الحاجّي
دودك ورد ... يا الحاجّي
بحرك شرد ... يا الحاجّي
ولدك عريس ... يا الحاجّي
يوم الخميس ... يا الحاجّي
جابلك قميص ... يا الحاجّي
هذا وقد وثق اﻷدب الشعبي كذلك لطائر أم قيردون كما جاء في مسدار الحاردلو :
أنصارك كُتار تامّين عَبِرْةَ الكيل
زي نبت الرّبا وكتين ركوب الخيل
إن مو جور زمان وناساً بصرْها قليل
" شَرَك ام قيردون " كيفن يقُبضَ الفيل
كما استخدمت كرمزية في اﻷدب السياسي أيضاً حيث قال الشاعر :
أم قيردون حم حم، شتتنا ليك الهم !!
ما تقولي قاصد ازاك، أنا عندي زيّك كم ؟ !
اوعي الشرك مفتوح !! زي الجرح والدم !!
والروح دي لمّا تروح، الريش ده كيف يتلم ؟ !
..
منقول باعجاب لجمال وروعة السرد


 
 توقيع :



تعجز كل مفردات الشكر والإجلال للرائعة صاحبة الذوق العالي رؤى


رد مع اقتباس
إضافة رد

مواقع النشر (المفضلة)

الكلمات الدلالية (Tags)
الحااااجة, قيردون

أدوات الموضوع
انواع عرض الموضوع

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
أشــــيـــاء فـــي حـــيــاتــنــا((ام قيردون)) Magellan الشؤون السودانية والتراث 14 17-11-2013 08:16 AM


Loading...

Powered by vBulletin® , Copyright ©2000 - 2018, Jelsoft Enterprises Ltd. TranZ By Almuhajir
Tynt Script Added by Leicester Forum
HêĽм √ 3.1 BY: ! ωαнαм ! © 2010
Protected by CBACK.de CrackerTracker

Security team

 
جميع مواد النيل الازرق من صور ومعلومات محفوظة جميع الآراء و المشاركات المنشورة تمثل وجهة نظر كاتبتها فقط , و لا تمثل بأي حال من الأحوال وجهة نظر الشبكة والمنتدى .