منتديات النيل الازرق السودانية

منتديات النيل الازرق السودانية (http://www.blue-nil.net/vb/index.php)
-   منتدى الشعر (http://www.blue-nil.net/vb/forumdisplay.php?f=58)
-   -   مدمن ود عمارى (http://www.blue-nil.net/vb/showthread.php?t=69867)

ود عباس 12-10-2014 11:50 PM

مدمن ود عمارى
 
بسم الله الرحمن الرحيم
مدمن ود عمارى هاك منى نصيحة
بقولا ليك بعبارة صادقة صريحة
التمباك مرض وعادة ذميمة قبيحة
بمرض بالسرطان وبخلى زولو كسيحة
مدمن الصعوط هاك الكلام الجد
التمباك مرض وبلاويهو ما بتتعد
وشانق السفة مبالاتو فايتة الحد
وفى كل البلاد تلقاهو أكسل فرد
مدمن الصعوط ديمة ماسكاهو حمى ورجفة
وخرمة التمباك بتسوى دوشة ولفة
وبنسى الناس جميع بتغابى فيها العرفة
وما عندو هم غير بس إقنطر سفة
مدمن التمباك لا بعرف اهل لا اصحاب
منبوذ فى المجتمع لا صديق لا احباب
فى شكلو عجوز واندادو لسه شباب
جسمو هزيل بالسرطان قالوا مصاب
مدمن ودعمارى يا ناس حالتو عصيبة
نفسيا مريض مصاب بالظنون والريبة
كايس العرس وما لافى ليهو خطيبة
رفضن البنات وبقت مصيبتو مصيبة
مدمن التمباك ما سمعت يوم بالفتوى؟
قالوا الصعوط حرام وبجيب لسيدو الكفوة
والسفيف والبنات ديمة فى كراهة وجفوة
والسفيف عمرو ما بعرف بنية راقية وصفوة
مدمن الصعوط أذكر ياخى عيالك
واعقل شوية وراعى ظروفك وحالك
التمباك مرض ببدد وقتك ومالك
وفشلك فى الحياة بكون بسبب اهمالك
مدمن التمباك منو مليانة هدومو
بساهر الليالى وبهضرب كتير فى نومو
تصرفاتو طائشة ويومى زائدة همومو
ضيع عمرو كلو وراجى تمامة يومو

سطر شديد 13-10-2014 12:15 AM

ود عباس...


قصددك اىلتمباك ولا الهيروين؟؟ http://www13.0zz0.com/2014/10/10/15/891673374.gif

ماتكبر الموضوع وجيب سفة...


.

عالية الأخلاق 13-10-2014 01:53 AM

تسلم الايادي الكتبت القصيدة دي
وحقيقي هو مرض ..والله يهدي كل البسفو ..

سطر شديد 13-10-2014 02:01 AM

ما بين ريدك وتمباك نــــــــوري
أحسن لي ياخي التمبــــــــــــاك
مالتمباك لي راسي ضـــــروري
لمن اسف يادوب بطــــــــــــراك
وإﻻ يكون تمباك دارفــــــــوري
معاهو ضمان اﻻستهـــــــــــﻼك
وسفة تكون هي دقار لي لوري
عشان بالجد بالجد اهـــــــــواك
شايفك دايره تلفي تـــــــــدوري
وقلتي السفه دي ماعاجبــــــاك
...ماتتكلمي فرتقي طيــــــــــــــري
وأوعي تقولي أنا بترجـــــــــاك
شوفي هديك بكري وعمــــوري
ديل البنفعوا ياخي معـــــــــــاك
تلقي الود ﻻمع حمــــــــــــوري
ولمن تزعلي بيجـــــــري وراك
ومن عربيتو يدق البـــــــــوري
ويقعد بره ويستنـــــــــــــــــــاك
وتطلعو تمشوا النادي السوري
وتمشو إن شاءالله الواق الواق
بس أختيني وأختي نفــــــوري
لمن أزعل ما بنطـــــــــــــــــاق
أدردم سفه و وأدق طمبــــوري
وأمﻼ الدنيا دي بالكـــــــــوراك
وكان غنيت بطلع من طـــوري
وتلقي الشينة هي سابقه غناك
أعمل ليك فيها الفيتــــــــوري
وأكتب ديوان فيكي بـــــــــراك
شكلك ما بِّتعرفي تُــــــــــدوري
ﻷنو الشفتي أكيد غشــــــــــاك
رغم السفة ورغم فجـــــــوري
وبي تمباكي ده برضو مـــــﻼك
وياما ناس سفت باللـــــــوري
وسوت بالسفتّو أمـــــــــــــﻻك
وسوى عمارة ركب باجـــوري
ولسه بسف بس ماتمبـــــــــاك
التمباك أنا لي دستــــــــــوري
وغصبا عنك وبتحـــــــــــــداك
وكان أصدرتي قرار جمهوري
قيمة الحُّقة دي ما فايتــــــــاك
ومهما تبكي ومهما تجــــوري
ومهما الناس يتمنو رضـــــاك
ﻻ في وسعي وﻻ مقـــــــدوري
إني أتخلى عن التمبـــــــــــاك
يﻼ إتخارجي فرتقي غـــــوري
بشَّنق سفه وبنسى هـــــــــواك


من كلماتي والحاني..



.

دمعة فرح 13-10-2014 02:34 AM

ياسلام ياود عباس قصيده في قمة الروعه ..الكتبه ده اكييييد مابسف :3437_01211977960: بجد التمباك ماسباحي خالص وبتمني الشباب يتخلا عنو . اولا مرض. .. ورائحه كريهة واسنان صفراء .. واكتر حاجه بضحكوني البسفو وبيجو ياكلو اللبان ع اساس يغير رائحة الفم شكلهم بضحكو علي حالهم . ربنا يهديهم الشباب .. . البسفو ..

عالية الأخلاق 13-10-2014 02:37 AM

ييييييع
السفه غير انها مضره بصحة الفم

كمان ما حضارية ..ومقرف

ومنو القال يا تسف تمباك او تسف اموال

مش بنقول نترفع من سفاسف الامور يعني صغارها !

وفي النهاية هي ..مسألة حرية شخصية

لا ننفي ضررها ..

سطر شديد 13-10-2014 02:49 AM

مابعجبوني الا البنات البسفوو...


ديل من اروع الكائنات على وش الاررض...


عموما التمباك اخف ضرر من البنقو والشراب والمخدرات الاخرى

ما اسكر كثيره فقليله حرام...


اذن التمباك والسجاير والشيشة كلها محرمة...


وللمعلومية كلها بتسبب صفار الاسنان ورائحة الفم الكريهة...


احسن زاتوو عشان مافي زول ينضم معاك زاتوو :Sdicon1:

مالكم ومالو خشمي اصفر ولا ليموني.. ان شا الله اضربو جيرر..

عالم حشرين خلاس http://www12.0zz0.com/2014/10/05/15/768239075.png



.

دمعة فرح 13-10-2014 03:00 AM

هههههههههههههههههههه مع احترامي ليييك مافي اي بت بتسف انا مهما قالوا لي انو في بنات بسفو مابصدق .... لأنو البت بطبعها بتميل لنظافة فمها واسنانها .. ومابتقدر تستحمل القذاره دي .. والله التمباك .. مرض .. ومقرف .. وما حضاري .. خالص .. ..الشباب المابسفو ديل احسن شباب .. انصح اي شاب بسف يتخلا عن التمباك .. وبقول ليهم عشان تتخلو عن العاده دي اعملو تفل الشاي الاحمر بعد ما يتغلي في النار بدل يتدفق اعملوهو مع اي شي زنجبيل .. نعناع وختوهو بدل السفه وانسو حاجه اسمها تمباك .. ده بالنسبه للشباب الحيقولو ماحنقدر نتخلي عنو بسهوله ..

سطر شديد 13-10-2014 03:50 AM

وين الحضارة ؟؟

وين النظافة؟؟

وين البلد القيافة؟؟

وانت ماشي في الشارع كل مترر سفة مرمية في الارض...

المهم عشان مانقلب الموضوع مهاترة وكلام فاضي...!


انا مابقول حرية شخصية والكلام التقليدي داا.. انا بسف ومقتنع بانو التمباك اطعم من كل شي وارحم واخف قدرا من المصائب الاخرى...


وتحية لكل البنات البسفوو..


مع الاعتذار لصاحب الموضوع لانو هسه هو محتار يرد على منو ولا ما يرد على شنوو..


اعمل رايح.. والعفو ليك وللكل...


جيبو سفة.. :Sdicon1:


.

ود عباس 13-10-2014 11:16 PM

الاخ سطر جديد
لك كل الشكر على المرور
اولا الهيروين غير معروف للغالبية العظمى بل حتى البنقو هنالك من سمع به ولكن لم يره ولم يعرف شكله اما التمباك مافى سودانى ما بعرفو وموجود فى كل حته ويباع على عينك يا تاجر فى العلن بالمناسبة فى الثمانينيات تم حظر بيعه فى عهد نميرى لكن للاسف لم يستمر الحظر لفترة طويلة هناك اسئلة لاتحتاج لاجابة:
هل يسف الطالب امام استاذه؟ وهل يسف الابن امام ابيه او عمه او خاله او شقيقه الاكبر او كل من يكبره سنا؟ وهل يسف الشاب امام خطيبته او الرجل امام زوجته؟ وهل يسبب التمباك السرطان ؟ واخيرا هل التمباك حلال ام حرام؟؟
وكل عام وانت بخير وبصحة وعافية


الساعة الآن 06:20 AM.

Powered by vBulletin® , Copyright ©2000 - 2019, Jelsoft Enterprises Ltd. TranZ By Almuhajir
Tynt Script Added by Leicester Forum
HêĽм √ 3.1 BY: ! ωαнαм ! © 2010
Protected by CBACK.de CrackerTracker

Security team